KATO'BA 3:12 - KITTA' MATANGKASA'

¹² Kuassengi angkanaya untu' ikatte, tenamo bajikangngang nikanaya a'rannu-rannu siagang nipikasiakki tallasaka lalang siapa jaina umurutta.

KATO'BA 3:12 Referans Kwoze

PAMMUJI 37:3

Tappakko ri Batara, siagang gaukangi bajika, ammantang mako ri anjo pa'rasanganga siagang teako amminrai.

KATO'BA 3:22

Jari kuassemmi angkanaya la'bi bajikangngangi punna napikasiakki rupataua wassele' jama-jamanna. Pantaranganna anjo tena lakkulle nagaukang. Tena olona akkulle naasseng apa lakajariang punna matemi.

1 TIMOTIUS 6:18

Pakaingaki ke'nanga nanapa'nyata kabajikanga, namasarro anggaukangi apa-apa bajika, lammoro' pa'maiki siagang nangai assare-sarea apa-apa.

LAMPA-LAMPANA 20:35

Lalang ri kammana anjo, nakusare mako conto, angkanaya paralluki' anjama terasa', sollanna akkulle nitulung tu tenaya pakkullena. Nasaba' parallui niu'rangi apa le'baka Napau Isa, angkanaya, ‘La'bi te'neangangi nikanaya assare naia nikanaya annarima.’ ”

LUKAS 11:41

Anjo bageang lalanganna mangko'nu siagang pirinnu, iaminjo musti nupassareang mae ri tu kasi-asia. Punna kammamo anjo batenu, ma'nassa la'jari tangkasa' ngasemmi ri kalennu.

YESAYA 64:5

Kiruppai tau lambusuka siagang tau attallasaka situru' erotTa. LarroKi' mae ri kambe, mingka tuli dorakana ikambe memang battu riolo iji nasala ikambe.

PAOLE 28:63

Sangkamma sannanna nyawaNa Batara assareko kakalumanynyangngang siagang ampa'jari jai bilannu, lasannang tongi ampanrakiko siagang ampaccappukko. Lanialleko battu ri pa'rasangang tenayamo nasallo nanupammantangngi.

PAOLE 12:7

Anjoreng tommi, ri dallekanNa Karaeng Allata'alanu, ikau ngaseng siagang sikamma kaluarganu musti angnganre siagang a'rannu-rannu lanri nugappana wassele' usahanu lanri nibarakkakinna ri Karaeng Allata'alanu.

PAOLE 12:18

Ikau siagang ana'-ana'nu, kammayatompa sikamma ata-atannu, siagang tu Lewi ammantanga ri kotanu, musti nakanrei anjo passarea ri dallekanNa Karaeng Allata'alanu, ri tampa' Napilea Karaeng Allata'alanu. Siagang anjoreng mako ri anjo tampaka musti a'rannu-rannu lanri sikontu wassele' usahanu.

PAOLE 26:11

appala' sukkuru' mako untu' sikontu dalle' le'baka Napassareang Karaeng Allata'alanu mae ri kau siagang kaluarganu. Kioki tu Lewi siagang bansa maraeng ammantanga ri alla'nu untu' amminawang lalang ri anjo passua'-suarranga.

KATO'BA 2:3

Lanri ero' duduku a'jari tau cara'de', attojeng-tojemma' ero' assannang-sannang, iamintu angnginunga tojeng anggoro' siagang assua'-suaraka tojeng. Kukapangi angkana iami anjo cara kaminang baji' mae ri rupataua untu' angkasiaki nyamanna tallasa'na ri lino sinampeka anne.

KATO'BA 2:24

Tenamo bajikangngang mae ri rupataua nikanaya angnganre, angnginung siagang angkasiaki wassele' jama-jamanna. Kuassengi angkanaya anjo lagi napassareNaji bawang Allata'ala.

KATO'BA 8:15

Bodona pikkirangku iamintu angkana musti rannui taua. Lanri lalang tallasa'na ri lino tena kasannangngang untu' kalenna pantaranganna angnganrea, angnginunga siagang a'rannu-rannua. Iaji anjo bawang akkulle nakasia' battu ri kaposoanna, lalang tallasa' Napassareanga Allata'ala mae ri ia.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.