KATO'BA 2:8 - KITTA' MATANGKASA'

⁸ Appasse'rea' pera' siagang bulaeng, iamintu battua ri passarena sikamma karaeng bansa maraeng kuparentaya. Pakelong bura'ne siagang pakelong baine akkelong-kelongi untu' ampakasannangi nyawaku. Nia' baine piaraku sa'genna siapa kukaerokia.

KATO'BA 2:8 Referans Kwoze

1 KARAENG-KARAENG 10:10

Nampa anjo karaeng baine battua ri pa'rasangang Syeba assaremi hadiah mae ri Salomo ia naeranga, iamintu la'bi 4.000 kilo battala'na bulaeng siagang jai batu paramata, kammayatompa rampa-rampa. Tena le'bakami ribokoangannaya Salomo annarima kammaya anjo jaina rampa-rampa sangkamma anjo napassareanga anjo karaeng baine battua ri pa'rasangang Syeba mae ri ia. (

1 KARAENG-KARAENG 9:28

Le'baki ke'nanga assombala' mange ri pa'rasangang Ofir untu' angngalle 14.000 kilo battala'na bulaeng nampa naerang mange ri Salomo.

2 SAMUEL 19:35

Sagantujupulo taummi umuru'na atanta, siagang tena akkulle lanakasannangngang atanta. Tenamo nakkulle nakasia' baji' apa nakanrea siagang apa nainunga atanta, kammayatompa takkulleami nalangngere' atanta sa'ranna tau akkelonga. Poro ikatteji bawang lakubattalli karaeng.

1 KARAENG-KARAENG 10:14

Taung-taungi Salomo annarima a'biring 23.000 kilo battala'na bulaeng,

AMOS 6:5

Nungai appareka kelong, sangkamma nagaukanga Daud, siagang nungai angkelongangi anjo lagua nururungang kacapi.

DANIEL 3:15

Jari, kamma-kamma anne apaka sadia jako su'ju' siagang anynyomba mae ri anjo patunga punna assa'ra musika? Punna taerokako, lakupasambila silalonnako antama' ri pepe' a'rinra-rinraya. Siagang rewata battu kemae lakkulle ampasalamakko battu ri kakoasangku?”

DANIEL 3:7

Jari nalangngere'na sa'ra pakkakasa' musika, sikontu anjo tau battua ri sikontu bansaya, suku bansaya siagang bahasaya, su'ju' kabusu'mi siagang anynyombami mae ri anjo patung bulaenga.

DANIEL 3:5

Punna assa'ra tarompeka, nipinawang ri sa'ra suling, kacaping, keso'-keso', gambusu', serdang siagang pakkakasa' musi' maraengannaya, sikamma sari'battanga musti su'jukko anynyomba mae ri patung le'baka napaenteng Karaeng Nebukadnezar.

2 PATTOTTORANG 9:11

Anjo kayua napakei Salomo untu' appare' tuka' ri Balla'Na Batara siagang balla' karaenga, kammayatompa untu' appare' kacaping siagang gambusu' untu' sikamma pakelonga. Tena le'bakapi nia' anu kammaya anjo ri pa'rasangang Yehuda.)

1 PATTOTTORANG 25:6

Yangasenna anjo ana'na Heman akkarena musi' simbala', kacapi, siagang gambusu' nipimping ri manggena ke'nanga untu' anrurungangi pa'gaukang sambayanga ri Balla'Na Batara. Asaf, Yedutun, siagang Heman anggappai tugasa' situru' pitunju' battu ri karaenga.

1 PATTOTTORANG 25:1

Untu' ammimping sikamma pa'gaukang passambayanganga, napilemi Karaeng Daud siagang sikamma pamimping tu Lewi, sikamma bija-bija tu Lewi iamintu: Asaf, Heman, siagang Yedutun. Iami ke'nanga nisare tugasa' untu' ampabattui pappasang battua ri Allata'ala siagang nirurungang musi' kacapi, gambusu', siagang simbala'. Untu' ammimping sambayang siagang massing-massing antekamma pa'gaukanna, nipilemi siapa are regu iamintu:

1 KARAENG-KARAENG 14:27

Untu' a'jari sambenna appare'mi Karaeng Rehabeam pakkakasa'-pakkakasa' kammaya anjo nampa napoterang antama' ri kamara' jagaya.

1 KARAENG-KARAENG 10:21

Yangasenna pakkakasa' pangnginunganna Salomo sangnging bulaeng nipare', kammayatompa sikontu pakkakasa' ri Kamara' Romang Libanon, sangnging bulaeng ti'no' todong nipare'. Tena nania' nipare' battu ri pera', nasaba' ri jammanna Salomo tena anggaranna peraka.

1 KARAENG-KARAENG 9:14

La'bi 4.000 kilo battala'na bulaeng le'ba' nakiring Hiram mae ri Salomo.

1 KARAENG-KARAENG 11:3

Nia' 700 baine karaeng nanikkai Salomo, siagang nia' 300 baine boli'-boli'na. Ia ngasemmi anjo bainenna a'jari passabakkang nanabokoimo Salomo Allata'ala,

KATO'BA 1:2

Nakana anjo lapung Tau Assarea Pangngajarang: Yangasenna poro sia-sia siagang tena matu-matunna! Tena bua'-bua'na anjo tallasaka, tena ngaseng anggaranna.