KATO'BA 2:3 - KITTA' MATANGKASA'

³ Lanri ero' duduku a'jari tau cara'de', attojeng-tojemma' ero' assannang-sannang, iamintu angnginunga tojeng anggoro' siagang assua'-suaraka tojeng. Kukapangi angkana iami anjo cara kaminang baji' mae ri rupataua untu' angkasiaki nyamanna tallasa'na ri lino sinampeka anne.

KATO'BA 2:3 Referans Kwoze

PANGNGEBARANG 20:1

Inungang terasaka napa'jari kurangajaraki siagang ricui taua. Toloi tau angnginunga sa'genna nasa'ring.

KATO'BA 1:17

Jari attojeng-tojemma' ero' angngassengi passisalanna nikanaya pangngassengang siagang kadongokang, nikanaya kacara'dekang siagang katoloang. Mingka a'nassami angkanaya inakke anne sanrapanga' poro tau angngondanga anging.

EFESUS 5:18

Teako nabengoi anggoro', nasaba' anjo anggoroka akkulleko napanraki. Passangalinna paralluko nikoasai ri RohNa Allata'ala.

KATO'BA 12:13

Le'ba' ngasenna kutimbang, iaminne bodona panggappaku. Mallakko ri Allata'ala siagang turuki sikontu parentaNa, nasaba' lanri iaminjo bawang naNapa'jari rupataua.

KATO'BA 6:12

Antekamma batena nakkulle taua angngassengi angkana apa kaminang baji' mae ri kalenna lalang katallassang sinampeka anne siagang tenaya matu-matunna, allaloa sanrapang bayang-bayang? Antekamma akkulle naasseng taua apa lakajarianga ri anne linoa punna matemi?

MATIUS 6:24

“Takkulleai se'rea tau ampa'jari atai kalenna mae ri ruaya karaeng. Nasaba' nia' lanangai, nania' latanajampangia kananna. Yareka la'bi a'dakkikangngangi mae ri se'reanga na maraengannaya. Ikau kamma tommako anjo. Takkulleako lampa'jari atai kalennu mae ri Allata'ala, punna nupa'jari ata todong kalennu mae ri pa'barang-baranganga.

KATO'BA 7:25

Mingka na'naka' appilajara' siagang a'boya pangngassengang, sollanna kugappa kacara'dekanga siagang kugappa pialinna sikamma pakkuta'nang niaka. Kucobai ampahangi angkanaya anjo dosaya katoloang, siagang anjo kaja'dallanga katerassang pa'mai'.

KATO'BA 7:18

Liliangi anjo ruaya sumpadeng. Punna mallakki' ri Allata'ala, mattantu labajiki wasseletta.

KATO'BA 2:24

Tenamo bajikangngang mae ri rupataua nikanaya angnganre, angnginung siagang angkasiaki wassele' jama-jamanna. Kuassengi angkanaya anjo lagi napassareNaji bawang Allata'ala.

AYUB 14:14

Saba', punna mate taua, maka akkullei attallasa' ammotere'? Allo pila' allo attayanga' sa'genna allalomo wattu pa'risikku.

1 SAMUEL 25:36

Ri wattunna ammotere' Abigail mae ri Nabal, nia'mo narapikang passua'-suarrang lompo nigaukang ri balla'na, sangkamma passua'-suarrang karaeng. Nalanri nasa'ringi Nabal siagang a'rannu-rannuna, tena sikalimo nanipauangi ri bainenna sa'genna ammukona.

PA'JARIANG 47:9

Appialimi Yakub angkana, “Sibilangngammi antallumpulo taung attallasa' atanta, a'jari tupalampa mange-mange. Punna nipasinrapangi siagang umuru'na boe-boena atanta a'jaria tupalampa mange-mange, anne katallassanna atanta jai kasukkarranna siagang bodoji umuru'na.”

HAKING-HAKING 9:13

Mingka appialimi poko' anggoroka angkana, ‘Masakang musti lakupammari assare wassele' anggoro' ampakasannangai pa'mai'na rewata-rewataya siagang rupataua, lanri poro la'jari karaennu!’

PAMMUJI 104:15

nappa'nia' wassele' je'ne' anggoro' appakasannanga. Kammayatompa minynya' zaitun ampa'jari accayai tanja'na, siagang kanre assareai ke'nanga kagassingang.

KATO'BA 5:18

Punna nia' sitau annarima kakalumanynyangngang siagang barang-barang battu ri Allata'ala, nampa nisare ising untu' ampinyamangngi anjo kakalumanynyangnganna, musti appala' sukkuruki siagang nakasia' baji' sikontu wassele' jama-jamanna. Anjo kammaya passareNa tonji bawang Allata'ala.

KATO'BA 8:15

Bodona pikkirangku iamintu angkana musti rannui taua. Lanri lalang tallasa'na ri lino tena kasannangngang untu' kalenna pantaranganna angnganrea, angnginunga siagang a'rannu-rannua. Iaji anjo bawang akkulle nakasia' battu ri kaposoanna, lalang tallasa' Napassareanga Allata'ala mae ri ia.

KATO'BA 10:19

Passua'-suarranga angngerangi kakkala', na anggoroka appakarannu. Mingka parallui nia' doe' untu' pa'bayara'na.