KATO'BA 2:11 - KITTA' MATANGKASA'

¹¹ Mingka ri boko kupilajari sikontu bate parekku, kammayatompa sikontu kaposoangku untu' ampa'le'baki anjo apa kupareka, kuassemmi angkanaya yangasenna anjo tena anggaranna. Anjo usahaku poro sia-siaji bawang, sanrapang tau angngondanga anging.

KATO'BA 2:11 Referans Kwoze

KATO'BA 1:14

Kucini' ngasemmi sikontu panggaukanna taua ri anne linoa. Patappa'mi, angkanaya yangasenna anjo sia-siaji, sanrapang tau angngondanga anging.

KATO'BA 1:3

Anjamaya tojengki' lalang tallasatta, ammatti'-matti' songotta. Mingka, apa nigappa akkullea nikalompoang pa'mai'?

1 TIMOTIUS 6:6

Memang assarei passawallang lompo agamaya punna sukkuru'mo taua ri apa-apa niaka ri ia.

KALAPPASSANG 39:43

Naparessami Musa yangasenna anjo jama-jamanga na nacini'mo angkanaya le'ba' ngasemmi napa'le'ba' ke'nanga anjo jama-jamanga situru' apa Naparentakanga Batara. Nampa nabarakkakimo Musa anjo ke'nanga.

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

HABAKUK 2:13

Bansa-bansa nubetaya akkaresoi natena matu-matunna resona, siagang sikontu-kontuna apa napaentenga ke'nanga cappuki nakanre pepe'. Yangasenna anjo kammaya ero'Na Batara Kaminang Koasaya.

PAMMUJI 89:47

Sa'genna siapa salloTa laccokko, o, Batara? Sa'genna siapa sallona la'rinra kamma pepe' kalarroanTa?

KATO'BA 1:17

Jari attojeng-tojemma' ero' angngassengi passisalanna nikanaya pangngassengang siagang kadongokang, nikanaya kacara'dekang siagang katoloang. Mingka a'nassami angkanaya inakke anne sanrapanga' poro tau angngondanga anging.

KATO'BA 3:9

Apa wassele'na sikontu kaposoanta?

KATO'BA 5:10

Pila' jai kakalumanynyangngang ri se'rea tau, pila' jai tau maraeng musti nasare kanre. Tena passawallang mae ri patanna, poro naassennaji bawang angkana akkalumanynyangi.

KATO'BA 5:16

Lalang tallasatta, kammaki' tau angngosala' lalang ri sassang, susa-susaki', lussakki', birisikki', siagang pa'risi' pa'maikki'.