KATO'BA 2:10 - KITTA' MATANGKASA'

¹⁰ Sikontu kukaerokia, kupassukkuki. Tale'bakai kutahang kalengku untu' angkasiaki kasannangngang manna antekammaya. Lompoi pa'maikku mae ri sikamma wassele' posoku, siagang iami anjo sawalakku.

KATO'BA 2:10 Referans Kwoze

KATO'BA 9:9

Kasia'mi tallasaka siagang bainennu nungaia lalang tallasa' sia-sianu, Nasareako Allata'ala ri lino. Kasia'mi allo-allo manna natena matu-matunna. Saba' iaji anjo bawang sawala' posonu.

KATO'BA 5:18

Punna nia' sitau annarima kakalumanynyangngang siagang barang-barang battu ri Allata'ala, nampa nisare ising untu' ampinyamangngi anjo kakalumanynyangnganna, musti appala' sukkuruki siagang nakasia' baji' sikontu wassele' jama-jamanna. Anjo kammaya passareNa tonji bawang Allata'ala.

KATO'BA 3:22

Jari kuassemmi angkanaya la'bi bajikangngangi punna napikasiakki rupataua wassele' jama-jamanna. Pantaranganna anjo tena lakkulle nagaukang. Tena olona akkulle naasseng apa lakajariang punna matemi.

PAMMUJI 119:37

Kijagaia' sollanna tena kuondangi apa tenaya matu-matunna, Kisarea' tallasa' situruka erotTa.

PAMMUJI 128:2

Langnganreko battu ri wassele' jama-jamannu, attallasa' kala'biang siagang salewangang.

1 YOHANES 2:16

Sikontu apa-apa niaka ilalang ri anne linoa, iamintu sikontu apa-apa nakaerokia sipa'-sipa' ma'rupatauna tau dorakaya, sikontu apa-apa nicinika siagang eroka nikammai, siagang sikamma apa-apa akkullea nikalompoang pa'mai' ri anne linoa, yangasenna anjo teai Allata'ala Manggea assala'na: passangalinna battu ri linoa assala'na.

KATO'BA 2:22

Lalang sikontu umuru' katallassanna rupataua anjama battalaki siagang assusa-susai; nampa kemae wassele' kaposoanna akkullea nakalompoang pa'mai'!

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

KATO'BA 6:9

Yangasenna anjo poro sia-siaji bawang, sanrapang usaha untu' angngondang anging. La'bi bajikangngangi sukkukamo ri apa niaka ri katte naia tuli eroka la'bi jaiangngang.

PANGNGEBARANG 23:5

Saba', lalang sipakkida mataji nakkulle lanynya' barang-barannu, sanrapang akka'nyiki nanri'ba' nai' ri allaka sangkamma jangang-jangang rajawali.

AYUB 31:1

“Le'ba'ma' assumpa siagang janji talaniakkami cinnaku anciniki tau loloa.

HAKING-HAKING 14:2

Nammotere'mo mange ri tau toana na nakana, “Eroka' ri anjo tulolo battua ri Filistin, niaka ri Timna. Kupalaki nakimange ampassuroi.”

PA'JARIANG 6:2

nicini'mi ri sikamma rewataya angkanaya ga'ga-ga'ga ngasengi anjo tuloloa. Jari nabuntingimi ke'nanga anjo tulolo massing nangaia ke'nanga.

PA'JARIANG 3:6

Naciniki anjo bainea angkanaya antekamma ga'gana anjo poko' kayua, siagang nyamangi nikanre rapponna. Na napikkiriki angkanaya teai sipato' baji'na punna a'jari bajiki pangngassenganna. Jari naallemi rapponna anjo poko' kayua, nampa nakanre. Nampa nasare todong bura'nenna, na nakanre todong bura'nenna.

KATO'BA 5:10

Pila' jai kakalumanynyangngang ri se'rea tau, pila' jai tau maraeng musti nasare kanre. Tena passawallang mae ri patanna, poro naassennaji bawang angkana akkalumanynyangi.

KATO'BA 6:2

Nia' wattunna naNasare Allata'ala kakalumanynyangngang, kalompoang siagang barang-barang se're tau, sa'genna tenamo apa-apa maraengang nakaeroki. Mingka tena Nikellai ri Allata'ala anjo taua angkasiaki baji'na anjo sikontu passarena. Kabalekanna, tau tenaya Naassengi langkabajikangi anjo kakalumanynyanganna. Jari, yangasenna anjo poro sia-siaji bawang, siagang appakasi'naji pa'mai'.

KATO'BA 9:6

Pakkasia' mangngai, birisi', siagang napasuna, yangasenna lasikamateang ngasengi siagang ia. Tenamo nantama' ri sikamma apa kajarianga ri lino.

KATO'BA 2:1

Kutantuammi ero' ampakasannang mami kalengku, sollanna kuasseng nikanaya kate'neang. Mingka ma'nassa sia-sia tonji anjo kammaya.

KATO'BA 2:24

Tenamo bajikangngang mae ri rupataua nikanaya angnganre, angnginung siagang angkasiaki wassele' jama-jamanna. Kuassengi angkanaya anjo lagi napassareNaji bawang Allata'ala.

KATO'BA 5:17

Jari kupahammi angkanaya ia kaminang bajika mae ri katte iamintu angnganre, angnginung, siagang nipikasiakki wassele' jama-jamanta lalang katallassang sinampe' Napassareanga Allata'ala mae ri katte; iami anjo sarenta.

KATO'BA 8:15

Bodona pikkirangku iamintu angkana musti rannui taua. Lanri lalang tallasa'na ri lino tena kasannangngang untu' kalenna pantaranganna angnganrea, angnginunga siagang a'rannu-rannua. Iaji anjo bawang akkulle nakasia' battu ri kaposoanna, lalang tallasa' Napassareanga Allata'ala mae ri ia.