KATO'BA 2:1 - KITTA' MATANGKASA'

¹ Kutantuammi ero' ampakasannang mami kalengku, sollanna kuasseng nikanaya kate'neang. Mingka ma'nassa sia-sia tonji anjo kammaya.

KATO'BA 2:1 Referans Kwoze

LUKAS 12:19

Nampa kukana ri kalengku: Upakko kau! Nukammai ngasemmi apa-apa bajika, siagang tenamo nulakala'busang sa'genna attaung-taung. Kamma-kamma anne ammari-mari poso mako! Angnganre-nganre mako, siagang angnginung-nginung mako, kammayatompa kasia'mi baji'-bajika lalang tallasa'nu!’

KATO'BA 8:15

Bodona pikkirangku iamintu angkana musti rannui taua. Lanri lalang tallasa'na ri lino tena kasannangngang untu' kalenna pantaranganna angnganrea, angnginunga siagang a'rannu-rannua. Iaji anjo bawang akkulle nakasia' battu ri kaposoanna, lalang tallasa' Napassareanga Allata'ala mae ri ia.

YAKOBUS 5:5

Alla'bi-la'bi mako ri katallassannu, siagang nukasia'mi kasannanganga ri anne linoa. Sanrapangko tau nupakaco'moka kalennu untu' lanisamballe sallang ri allo labattua.

YAKOBUS 5:1

Sikamma sari'battangku, akkalumanynyanga! Pilangngeri anne pappakaingakku. Paralluko angngarru' siagang appiraung lanri lanukasia'na kasessanga!

PAMMUJI 27:8

Kikana, “Battuko mae anynyomba ri Nakke.” Appialima' kukana, “Lintakka' battu, o, Batara;

YAKOBUS 4:13

Sikamma sari'battangku; ikau angkanaya, “Anne alloa yareka ammuko, erokka' a'lampa mange ri kota anu nakuammantang anjoreng sitaung untu' a'danggang siagang a'boya doe',” pilangngeri anne pappakaingakku.

TITUS 3:3

Nasaba' ikatte riolo dongo' tonjaki', lingu tonjaki' siagang tena tonja nimappilangngeri. Nipare' ataki' ri a'rupa-rupaya hawa napasuta siagang kacinnanta; a'rupa-rupai ero' ja'dalatta, assereatiki', siagang sikabiri'-birisiki'.

LUKAS 16:19

“Nia' se're tau kalumanynyang. Sangnging care-care ka'jala' ballinna napake, siagang sangnging te'nena katallassang allo-allona.

YESAYA 50:11

He ikau ngaseng tau ancilakaiyai parannu tau, lanipanrakiko lanri ri rancana kalennu tonji. Batara ampareki anjo kajarianga kammaya, lasannaki batenu nisessa.

YESAYA 50:5

Nasarea' Batara pammahang, tena kungngewa yareka ta'giling battu ri Ia.

KATO'BA 11:9

Kasia' baji'mi wattu karungkannu, he ikau tau rungkaya! Rannu mako ilalang lolonu ija. Rupaimi sikamma nakaerokia nyawanu, gaukamma sikontu naniakkanga pa'mai'nu. Mingka u'rangi, Allata'ala niaka ri suruga, langngadeli ngasengi sikontu apa nugaukanga.

KATO'BA 7:4

Tau toloa tulusu' angngondangi kasannangngang; tau cara'deka tuli kamateang nanawa-nawa.

KATO'BA 2:15

Jari kupikkiriki angkana, ‘Sare antujuai tau toloa lanatuju tonga'’. Jari, apa matu-matunna kacara'dekangku? Nampa kualle bodona kanaya, na kukana, anjo kacara'dekanga memang tena sikali matu-matunna.

PAMMUJI 14:1

Untu' pamimpin pakelong. Pammujina Daud. Tu toloa nakana ri pa'mai'na, “Tena Allata'ala.” Panggaukanna ke'nanga ja'dalaki siagang rantasaki tena nia' a'gau' baji'.

PAMMUJI 10:6

Nakana lalang pa'mai'na, “Tena kulasia-sia, na sikontu jari-jariku sangkamma tu tena naja'dala'.”

2 KARAENG-KARAENG 5:5

Nakanamo karaenga, “Baji'mi, a'lampamako mange ri karaeng Israel. Lannulisikka' sura' mae ri ia.” Jari a'lampami Naaman, nangngerang 30.000 doe' pera', 6.000 doe' bulaeng, siagang 10 pasang pakeang ga'ga ngaseng.

PA'JARIANG 11:7

Bajikangngang naungki' nanipasisala-sala bahasana ke'nanga sollanna takkullea sipahang ke'nanga.”

LUKAS 16:23

Sanna'mi sessana nasa'ring ammantang ri lino pammantanganna tau matea. Na ri wattunna accini' battu rawa nai' nacini'mi battu bella Abraham siagang Lazarus ammempo ri sa'rinna Abraham.

YESAYA 5:5

Kammaminne laKugaukang ri anjo koko anggorokKu: LaKubi'buki kalli'na angkulilingiai, laKurumbangi tembo' niaka angkalliki, nampa Kubalang parekang napanraki olo'-olo' sekke' siagang naonjo'-onjokang.

PANGNGEBARANG 14:13

Ri bokona kakkalaka nia' kapang karru'; karannuanga akkullei kasusaang kale'bakkanna.

KATO'BA 2:10

Sikontu kukaerokia, kupassukkuki. Tale'bakai kutahang kalengku untu' angkasiaki kasannangngang manna antekammaya. Lompoi pa'maikku mae ri sikamma wassele' posoku, siagang iami anjo sawalakku.

KATO'BA 2:25

Inaika akkulle angnganre siagang assannang-sannang punna teai Allata'ala.