KATO'BA 12:3 - KITTA' MATANGKASA'

³ Annekkereki limannu, takkulleami anjagaiko. Bangkeng kassa'nu lalammami, tena kagassinganna. Tagannakami giginnu untu' akka'lero kanre. Tabajikami paccini'na matannu sa'genna appakamalla' nicini'.

KATO'BA 12:3 Referans Kwoze

PAMMUJI 102:23

ri wattunna a'rappungang bansa-bansaya siagang sikamma kakaraenganga untu' a'gau' ibada mae ri Batara.

ZAKHARIA 8:4

Ri paranglakkeng lompona Yerusalem, laniaki pole ammempo sikamma tutoa bura'ne sannakamo toana siagang tutoa baine sannakamo toana sa'genna musti ammake takkang punna a'jappa.

1 SAMUEL 3:2

Ri se'reang bangngi, Eli ia sannakamo toana siagang la'biringamo buta, sitabangi attinro ri kamara'na.

PA'JARIANG 48:10

Tena nakkulle accini' baji' Yakub lanri toami siagang tabajikami paccini'na matanna. Napa'reppese'mi Yusuf anjo ana'-ana'na mae ri Yakub. Nampa naraka' siagang nabau Yakub anjo ke'nanga.

PA'JARIANG 27:1

Ri se'reang allo, ri wattu toanamo Ishak siagang buta tommi pole, nakio'mi Esau, ana'na toaya, nampa nakana ri ia, “Ana'!” Appialimi Esau angkana, “Iye', bapa'.”

PAMMUJI 35:14

sanrapang tau ampappala' doangangi sari'battanna yareka ampappala' doangangi bela baji'na. Andundua', angkarruki ke'nanga, sanrapang tukamateanga' ri amma' kalengku.

PAMMUJI 38:6

A'nanai bokka'-bokkakku siagang a'rasa bottoki, lanri dongo'na panggaukangku.