KATO'BA 11:5 - KITTA' MATANGKASA'

⁵ Allata'ala ampa'jari sikontu apa-apaya, na takkullea napahang rupataua anjo Nagaukanga; kammayatompa tanapahangngai katallassang beru a'jaria lalang ri pammanakkanna se'rea amma'.

KATO'BA 11:5 Referans Kwoze

YOHANES 3:8

Mammiriki anginga mange ri nakaerokia; nilangngereki sa'ranna, mingka taniassengai nakabattuia siagang lanatujua. Kamma tomminjo tau nilassukang poleanga ri RohNa Allata'ala.”

PAMMUJI 92:5

Saba' panggaukanTa napakarannui pa'maikku, makkelong rannua' lanri bate paretTa.

KATO'BA 8:17

takkulleaki' ampahangi apa ero'Na Allata'ala. Manna antekamma bateta usaha, tena olona lakkulle nipahang. Tau cara'deka nakana kalenna napahangi, mingka sikontutojenna tanapahangngai.

ROMA 11:33

Teai sipato' heba'na kakalumanynyanganNa Allata'ala! Teai sipato' tinggina kacara'dekanNa siagang pangngamaseanNa! Maka inai akkulle ampappilajari sikamma apa le'baka Napattantu? Maka inai akkulle ampahangi cara-caraNa anjama?

YESAYA 40:28

Maka tanuassengai siagang tanulangngerai? Batarami Allata'ala mannannungang, ampa'jari sikontu buttaya. Tale'bakai mangngang yareka poso; takkulleai niselangngi pikkiranNa.

PAMMUJI 104:24

Tamaka jaina bate paretTa, o, Batara, yangasenna Kipa'jari lanri bajitTa; rassi buttaya siagang bate paretTa.

KATO'BA 7:24

Inai akkulle anggappai battuanna anne tallasaka? Tamaka lantanna untu' akkulle nipahang!

PAMMUJI 40:5

Mate'nei tau matappaka ri Batara, tenaya nanynyomba ri rewata-rewataya, yareka appala' tulung mae ri tau tampoa.

AYUB 38:4

Nia' memang makoka ri wattunna Kupa'jari linoa? Punna jai padeng pangngassengannu, pauamMa'!

AYUB 37:23

Tamaka lompona koasaNa Allata'alata; takkulleaki' anreppesi, tuli lambusu'Na siagang adele'Na; tale'bakai Najallakkang rupataua.

AYUB 5:9

Yangaseng bate pare'Na Allata'ala tamaka heba'na; takkulleai nipahang. Gau'-gau' appakalannasa' Napareka, takkulleai nibilang na tena la'busu'na.

KATO'BA 1:6

Anging ammiri' a'lampa timboro', nampa ammiri' a'lampa wara'; amminro-minroi, nampa ammotere' pole.

KATO'BA 1:13

Attojeng-tojenga' ero' ansalidiki siagang ampappilajari siagang baji' sikontu apa kajarianga ri anne linoa. Sare le'baka Napasadia Allata'ala untu' ikatte teai sipato' appakasi'nana pa'mai'.

KATO'BA 3:10

Kuassengi angkanaya Allata'ala assareki' erangngang battala'.

KATO'BA 3:11

Ia ampattantui wattu kaminang cocoka untu' sikontu apa-apaya. Ia assareki' kaerokang untu' angngassengi allo lanidallekanga, mingka tanikulleai ampahangi gau'Na Allata'ala battu ri pakaramulanna sa'genna kala'busang.

KATO'BA 11:4

Inai attayang sa'genna sukku' baji'na anginga siagang wattua, tala'lamungai siagang tena todong nalanagappa wassele'na.