KATO'BA 10:12 - KITTA' MATANGKASA'

¹² Lanri kana-kananna tau cara'deka nanipakalompoi mingka panraki tau toloa lanri kana-kananna tonji.

KATO'BA 10:12 Referans Kwoze

KOLOSE 4:6

Sikamma bicara nupasuluka parallui appakasannang pa'mai' siagang appatimbo pangngai. Parallui nuasseng baji' appiali ri pakkuta'nanna taua.

LUKAS 4:22

Sanna' ngaseng baji'na kana-kana Napasuluka. Sa'genna lannasa'mo taua allangngereki, na nipakkontutojeng ri ke'nanga. Nakanamo ke'nanga, “Sai ana'na Yusuf anne Taua?”

PANGNGEBARANG 22:11

Tau nangaia kalambusanga siagang te'nei bicaranna, la'jari sahaba'na karaeng.

PANGNGEBARANG 15:2

Kana-kana cara'deka ampa'jari pangngassenganga angngalle pa'mai'; kana-kana tau dongoka, poro kadongokang bawang bonena.

EFESUS 4:29

Punna a'bicarako, teako ammakei bicara ra'masa'. Pakemi kana-kana appakabajika siagang akkullea antulungi tau maraenga. Anjo kana-kana kammaya langngerangi kabajikang mae ri tau allangngerekai.

LUKAS 19:22

Nakanamo anjo karaenga ri anjo taua, ‘Ikau palayang ja'dalakko! Lanri kana-kanannu tonji nalakuhukkungko. Nuassengi angkanaya inakke tau sekkekka': kuallei apa-apa tenaya nainakke pata, siagang kuallei wassele'na tampa' tenaya nainakke pata tampa'.

MATIUS 12:35

Tau bajika, tuli apa baji' todong lanapau, nasaba' bajiki lalang atinna. Mingka tau ja'dalaka tuli apa-apa ja'dala' napau, nasaba' ja'dalaki lalang atinna.

PANGNGEBARANG 31:26

Lammai bicaranna; cara'deki kana-kananna.

PANGNGEBARANG 26:9

Sanrapang painung appasulu' katinting battu ri limanna, kammaminjo tau toloa appakainga'.

PANGNGEBARANG 19:5

Tau a'balle-ballea ri pangadelanga, takkulleai naliliang hukkunganga.

PANGNGEBARANG 15:23

Kana-kana nipasuluka ri wattu kaminang cocoka, langngerangi karannuang.

PANGNGEBARANG 12:18

Bicara sambaranga akkullei nalokoki pa'maika sanrapang panno'do'na pa'danga; kana-kana cara'deka sanrapangi pa'balle appamollea.

PANGNGEBARANG 10:10

Inai ancokkoi katojenganga, appaumbai kasusaang; inai akkana lambusu' ancallai kodia, angngusahai kasalewangang.

PANGNGEBARANG 10:8

Tau cara'deka, nangai annarima pappasaile; tau dongoka ri bicaranna lalingui.

PAMMUJI 140:9

TeaKi' turukiangi ero'na tau ja'dalaka, o, Batara, teaKi' lappassangi anjari rancanana ke'nanga.

PAMMUJI 64:8

Mingka Napabuccuki panaNa Allata'ala mae ri ke'nanga, nati'ring loko'mo ke'nanga.

PAMMUJI 37:30

Tu bajika a'bicarai siagang annaba, tuli lambusuki kana-kananna.

AYUB 16:5

Lakupakajarreki pa'mai'nu siagang siapa are pappitangara'; kana-kanangku lassareko panynyaleori.

2 SAMUEL 1:16

Nakana Daud ri anjo tu rungka battua ri Amalek, “Ikau kalennu ampattantui anne hukkungang matea mae ri kalennu lanri nuakuina angkanaya ikau le'ba' ambunoi karaeng Napilea Batara!”

KATO'BA 4:5

Nikana bedeng, tau toloaji bawang ammempo anrakaki limanna siagang nabalang parekang kalenna mate lanri cipuru'.

KATO'BA 9:17

Bajikangngangi sannanga ampilangngeri kana-kananna se'rea tau nia' pangngassenganna, kala sa'ra lompona tukoasaya ri pa'rappunganna tau dongoka.

KATO'BA 12:11

Kananna anjo tau annabaya sangkammai takkang cidu'na sitaua pakalawaki, takkang napakea, untu' anjagai gimbala'na. Passe'reang pangngebarang siagang pappakainga', sangkammai paku tatto'do' jarreka. Yangasenna anjo pasarreNa tonji Allata'ala, Pakalawakinta tenaya ruanna.

KATO'BA 5:2

Pila' ranggaselai taua, pila' akkullei anggappa so'na kodi. Pila' jai bicara, pila' akkullei taua appasulu' kana-kana tolo.

KATO'BA 5:6

Sangkamma jaina so'na tena battuanna, kamma tomminjo jai bicara tena matu-matunna. Mingka malla' lalo mako mae ri Batara.