KATO'BA 1:8 - KITTA' MATANGKASA'

⁸ Yangasenna appakalanre, siagang appakalanre tena anjorenganna. Tena bassoro'na matanta accini'; tena sukku'na tolinta allangngere'.

KATO'BA 1:8 Referans Kwoze

PANGNGEBARANG 27:20

Ri linona tau matea, tuli nia' tampa'; kamma tomminjo kaerokanna rupa taua tena sanggana.

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

KATO'BA 4:8

Nia' tau attallasa' kale-kale, tena ana'na yareka sari'battanna. Mingka manna nakamma, tulusu' anjama terasa'na siagang tenale'bakai sukku' ri barang-baranna. Untu' inaika napammattikang tojeng songo' siagang natolla' sikontu kasannanganga? Anjo sia-sia todong, siagang se're cara atallasa' sessa.

MATIUS 5:6

Mate'nei tau attojeng-tojenga ero' anggaukangi ero'Na Allata'ala; nasaba' iami lanipasukku' tallasa'na ri Allata'ala!

KATO'BA 2:26

Allata'ala assare kacara'dekang, pangngassengang siagang kate'neang mae ri tau ampakasannangai pa'mai'Na. Mingka tau dorakaya Nasuroi a'boya dalle' nampa napatambung wassele'na untu' nipassareang mae ri tau ampakasannangai pa'mai'Na Allata'ala. Jari yangasenna anjo sia-siaji, sanrapang usaha angngondang anging.

KATO'BA 2:11

Mingka ri boko kupilajari sikontu bate parekku, kammayatompa sikontu kaposoangku untu' ampa'le'baki anjo apa kupareka, kuassemmi angkanaya yangasenna anjo tena anggaranna. Anjo usahaku poro sia-siaji bawang, sanrapang tau angngondanga anging.

PAMMUJI 63:5

Lalang sikontu umurukku appala' sukkurukka' mae ri Katte; kuangkaki limangku kuppala' doang ri Katte.

KATO'BA 1:7

Yangaseng binangaya a'lo'loroki mange ri tamparang, mingka tena rassina tamparanga. Ammotereki je'ne'na mange ri ulunna binangaya, nampa a'lo'loro' pole.

HAGAI 1:9

Manrannuangko wassele' jai, mingka kale'bakkanna sike'de' duduji nugappa; nuerangi ammotere', mingka Kutuiki anjo erang polenu, sa'genna cappu' niri'bakang ri anging. Angngapa naKugaukang anjo kammaya? Saba'na iamintu: Lanri anjo BallakKu ammantanginji kamma tambungang loro, nampa a'gassingang ngasengko massing ambangungi balla' kalennu.

KATO'BA 6:7

Anjamai rupataua untu' angnganre, mingka tena le'bakai sukku' pakkasia'na.