KATO'BA 1:6 - KITTA' MATANGKASA'

⁶ Anging ammiri' a'lampa timboro', nampa ammiri' a'lampa wara'; amminro-minroi, nampa ammotere' pole.

KATO'BA 1:6 Referans Kwoze

YOHANES 3:8

Mammiriki anginga mange ri nakaerokia; nilangngereki sa'ranna, mingka taniassengai nakabattuia siagang lanatujua. Kamma tomminjo tau nilassukang poleanga ri RohNa Allata'ala.”

KATO'BA 11:5

Allata'ala ampa'jari sikontu apa-apaya, na takkullea napahang rupataua anjo Nagaukanga; kammayatompa tanapahangngai katallassang beru a'jaria lalang ri pammanakkanna se'rea amma'.

PAMMUJI 107:29

Anging puttusu' a'jalloka Nasuroi sannang, nasannammo bombanga.

PAMMUJI 107:25

Lanri parentaNa nammiri' anging puttusuka Napabattu bombang-bombang lompoa.

AYUB 37:17

Tena, poro akkullenuji bawang akkunrareng napakamma bambang punna nituju linoa ri anging battu timboro'.

AYUB 37:9

Battu timboroki anging puttusuka battu waraki dinging sanna' dudua.

MATIUS 7:27

Ri wattunna battu bosia siagang a'baya kammayatompa anging barubua antujui anjo ballaka, anra'bami. Nateaimi sipato' sanna'na panra'na anjo ballaka!”

MATIUS 7:24

“Jari, inai-nai ampilangngeri siagang anggaukangi kana-kana Kupangngajarranga, iami sanrapang tau cara'deka, ambangunga balla' irate ri tompo'na batu makassaka.

YUNUS 1:4

Naungi Yunus ri tampa' kaminang irawaya nampa anra'ba anjoreng, sa'genna jannang tinrona. Nampa appabattu Batara anging lompo naung ri tamparanga, sa'genna lompo bombanga antunrungi anjo kappalaka a'biring niancuru'. Teaimi sipato' malla'na ana' kappalaka siagang akkiok-kio'mi ke'nanga appala' tulung, massing-massing mae ri rewatana ke'nanga. Sollanna tena natallang kappalaka, napela'mi sipa'gang luranna kappalaka antama' ri tamparanga.

KATO'BA 1:7

Yangaseng binangaya a'lo'loroki mange ri tamparang, mingka tena rassina tamparanga. Ammotereki je'ne'na mange ri ulunna binangaya, nampa a'lo'loro' pole.