KATO'BA 1:2 - KITTA' MATANGKASA'

² Nakana anjo lapung Tau Assarea Pangngajarang: Yangasenna poro sia-sia siagang tena matu-matunna! Tena bua'-bua'na anjo tallasaka, tena ngaseng anggaranna.

KATO'BA 1:2 Referans Kwoze

PAMMUJI 144:4

Anjo rupataua sanrapanji anging mammiri', sanrapang bayang-bayang allaloa, kammaminjo tallasa'na.

ROMA 8:20

Nasaba' niboli'mi a'jari jappo' linoa, teai lanri ero'na linoa, passangalinna lanri niboli'na kamma ri Allata'ala. Mingka manna nakamma nia'ija panrannuang:

KATO'BA 5:10

Pila' jai kakalumanynyangngang ri se'rea tau, pila' jai tau maraeng musti nasare kanre. Tena passawallang mae ri patanna, poro naassennaji bawang angkana akkalumanynyangi.

KATO'BA 12:8

Kukanamo, memang yangasenna anjo sia-siaji bawang, yangasenna tena matu-matunna, tena anggaranna.

KATO'BA 2:26

Allata'ala assare kacara'dekang, pangngassengang siagang kate'neang mae ri tau ampakasannangai pa'mai'Na. Mingka tau dorakaya Nasuroi a'boya dalle' nampa napatambung wassele'na untu' nipassareang mae ri tau ampakasannangai pa'mai'Na Allata'ala. Jari yangasenna anjo sia-siaji, sanrapang usaha angngondang anging.

KATO'BA 2:19

Nampa inai akkulle angngassengi angkanaya cara'deki yareka toloi kalenna? Mingka manna antekamma iami lampatangi sikamma wassele' usahaku, ia kugappaya lalang tallasakku ri anne linoa, lanri akkaresoku siagang lanri kacara'dekangku. Jari, anjo sia-sia tonji.

KATO'BA 2:11

Mingka ri boko kupilajari sikontu bate parekku, kammayatompa sikontu kaposoangku untu' ampa'le'baki anjo apa kupareka, kuassemmi angkanaya yangasenna anjo tena anggaranna. Anjo usahaku poro sia-siaji bawang, sanrapang tau angngondanga anging.

KATO'BA 2:23

Manna apa mamo le'ba' nagaukang lalang tallasa'na, angngerangi sessa siagang pa'risi' pa'mai' mae ri kalenna. Manna ri wattu bangngia lussa' tonji pa'mai'na. Jari, yangasenna anjo, poro sia-siaji bawang.

KATO'BA 2:17

Lanri kammana, anjo tallasaka tena anggaranna mae ri nakke, tena maraeng. Yangasenna sia-siaji bawang; poro angngondangkuji bawang anging.

KATO'BA 11:8

Paralluko appala' sukkuru' punna katambang umuru'nu. Mingka u'rangi, manna salloko attallasa' ri lino, salloangangi wattunnu ri lino kamateanga. Jari, apapi pole laniminasai? Yangasenna tena matu-matunna siagang sia-siaji bawang.

KATO'BA 6:11

Pila' salloi a'gea', pila' tena anggaranna kana-kananna, ba'lalo tena apa-apa passawallang nagappa.

KATO'BA 4:8

Nia' tau attallasa' kale-kale, tena ana'na yareka sari'battanna. Mingka manna nakamma, tulusu' anjama terasa'na siagang tenale'bakai sukku' ri barang-baranna. Untu' inaika napammattikang tojeng songo' siagang natolla' sikontu kasannanganga? Anjo sia-sia todong, siagang se're cara atallasa' sessa.

KATO'BA 4:4

Kuasseng tongi angkanaya tamaka batena anjama terasa' rupataua, lanri poro assereatina bawang anciniki wassele' usahana siampi' balla'na. Yangasenna anjo poro sia-siaji bawang, sanrapang usaha angngondang anging.

KATO'BA 3:19

Manna antekamma, anjo sarenna rupataua siagang olo'-oloka sirupaji. Se'rea lamatei, maraengannaya kamma todong. Rua-ruana sangkamma, iamintu apa attallasa'. Jari, tena nala'bi upa' rupataua na olo'-oloka, saba' para sia-siaji anjo tallasaka mae ri ia.

KATO'BA 2:21

Nasaba' punna akkareso dudu taua napakei sikontu kacara'dekanga, pangngassenganga kammayatompa kaporeanna untu' anggappai apa nakaerokia. Mingka kale'bakkanna musti nabokoi anjo sikontu wassele' kaposoanna untu' tau tenaya nammatti' songo'na mae ri anjo apa-apaya. Jari anjo sia-sia tonji, nampa pole tena naadele'!

KATO'BA 11:10

Pelaki ranggaselaya siagang susaya battu ri pa'mai'nu, saba' sinampe'ji allalo wattu rungkanu.

KATO'BA 4:16

Nakulle kapang teai sipato' jaina ra'ya' napimpinga, mingka punna a'lampamo, tena manna sitau appala' tarima kasi lanri nau'ranginna jasana. Memang, yangasenna poro sia-siaji bawang, sanrapang usaha angngondanga anging.

KATO'BA 2:15

Jari kupikkiriki angkana, ‘Sare antujuai tau toloa lanatuju tonga'’. Jari, apa matu-matunna kacara'dekangku? Nampa kualle bodona kanaya, na kukana, anjo kacara'dekanga memang tena sikali matu-matunna.

AYUB 11:12

Punna anrong keledai liara' allassukang keledai annaba, nampami akkulle tau toloa a'jari cara'de'.

PAMMUJI 89:47

Sa'genna siapa salloTa laccokko, o, Batara? Sa'genna siapa sallona la'rinra kamma pepe' kalarroanTa?

KATO'BA 2:8

Appasse'rea' pera' siagang bulaeng, iamintu battua ri passarena sikamma karaeng bansa maraeng kuparentaya. Pakelong bura'ne siagang pakelong baine akkelong-kelongi untu' ampakasannangi nyawaku. Nia' baine piaraku sa'genna siapa kukaerokia.