KATO'BA 1:11 - KITTA' MATANGKASA'

¹¹ Talanau'rangiai taua apa kajarianga ri rewasa' allaloa. Kamma tomminjo kajariang ri kamma-kammaya anne siagang lakajarianga sallang, tena nalaniu'rangi ri tau labattua sallang.

KATO'BA 1:11 Referans Kwoze

KATO'BA 2:16

Tau toloa lalintaki nikaluppai, mingka manna tau cara'deka tena todong nalaniu'rangi. Pila' mange allo pila' lanipela' ngasengki' ri pangngu'rangi. Ikatte musti mate ngasengki', baji' tau cara'de' kammayatompa tau dongoka.

PAMMUJI 9:6

IKatte le'ba' anghukkungi bansa-bansaya siagang Kiposso' sikamma tu ja'dalaka; nikaluppaimi ke'nanga sa'genna satunggu-tungguna.

KATO'BA 9:5

Minang sike'de'na, tau attallasaka naassengi angkana attayangi a'jala'na, nampa tau matea tena apa-apa naasseng. Mae ri ia tena passawallang yareka pa'balasa', siagang nikaluppaimi arenna.

YESAYA 42:9

Kamma-kamma anne apa le'baka Kutappu riolo kajariammi; erokKa' pole ampabattui passala' berua; ri tenanapa nakajariang anjo, Kupau riolomi mae ri kau.”

KATO'BA 1:10

Nia' tau nakana, ‘Ciniki, anne anu beru!’ Mingka, anjo anu nia' memammo ri tenanapa nilassukangki'.

KATO'BA 8:10

Le'baki kucini' tau ja'dalaka mate siagang nitarawang. Mingka ri wattunna ammotere' taua battu ri jera'na, nipujimi anjo tau matea ri ke'nanga anjoreng ri kota tampa'na anggaukangi kaja'dallanga. Jari, anjo sia-sia tonji.