KALAPPASSANG 9:7 - KITTA' MATANGKASA'

⁷ Napakkuta'nangngammi karaenga anjo apa kajarianga; nampa nicaritamo ri ia angkanaya olo'-olo' piarana tu Israel manna sikayu tania' mate. Mingka kapala batu iji karaenga siagang taerokai allappassangi anjo bansaya a'lampa.

KALAPPASSANG 9:7 Referans Kwoze

KALAPPASSANG 7:14

Nampa Nakana Batara ri Musa, “Anjo karaenga sanna' kapala batuna; taerokai napassareang a'lampa bansa Israel.

KALAPPASSANG 8:32

Mingka anne kamma kapala batumi sedeng karaenga siagang tanakellaiyai a'lampa anjo bansaya.

ROMA 9:18

Jari, iaji namangngamaseang Allata'ala mae ri se'rea tau punna Nakaerokangi kammaya. Kammayatompa a'jari kapala batui se'rea tau punna Nakaerokangi Allata'ala kammaya.

DANIEL 5:20

Mingka ri wattunna a'jari tampo, kapala batu siagang palla', nigulummi battu ri kakaraenganna sa'genna tappela'mo kala'biranna.

YESAYA 48:4

Kuassengi angkanaya ikau sanna' terasa'na pa'mai'nu, terasaki ulunnu siagang kapala batuko.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

AYUB 9:4

Allata'ala sanna' cara'de'na siagang sanna' koasana; inai akkulle attahang ambaliangi?

KALAPPASSANG 9:12

Mingka nipa'jari terasa' iji ulunna anjo karaenga ri Batara, na sangkamma le'baka Napau Batara, taerokai anjo karaenga anjampangi kananna Musa siagang Harun.

KALAPPASSANG 7:13

Mingka manna nakamma tuli kapala batuna karaenga taeroka anjampangi kana-kananna Musa siagang Harun, sangkamma le'baka Nakana Batara.

KALAPPASSANG 9:8

Nakanamo Batara ri Musa siagang Harun, “Angngalleko siapa are kangkanna au battu ri tampa' pattunuanga. Nampa musti napakioroki Musa anjo aua nai', ri dallekanna karaenga.

KALAPPASSANG 3:19

Nampa Nakana pole Allata'ala, “Kuassengi angkanaya taerokai Karaeng Mesir allappassangko a'lampa, pantaranganna punna nipassai.