KALAPPASSANG 9:27 - KITTA' MATANGKASA'

²⁷ Nampa nakio'mi karaenga anjo Musa siagang Harun, na nakana, “Dorakama'. Batara annaba, inakke siagang ra'yakku a'gau' ja'dala'.

KALAPPASSANG 9:27 Referans Kwoze

PIRAUNG 1:18

Mingka Batara bawang tojeng, lanri kudakkai parentaNa. Pilangngeri, ikau bansa-bansaya, cinikka' lalang ballasakku. Nitahangi turungkaku siagang tulolongku, na nilaling mange ri pammelakkanga.

PAMMUJI 129:4

Mingka adeleki Batara Napakabebasa'ma' battu ri nipareka ata.”

2 PATTOTTORANG 12:6

Mangakumi karaenga siagang sikontu pamimpinga angkanaya dorakami ke'nanga. Nakanamo ke'nanga, “Anjo apa Nagaukanga Batara adeleki.”

KALAPPASSANG 10:16

Akkaro-karomi karaenga angkioki Musa siagang Harun nampa nakana, “Dorakama' mae ri Karaeng Allata'alanu siagang mae ri kau sipa'rua.

PAMMUJI 145:17

Adeleki Batara lalang sikontu tindakanNa siagang rassi pangngamaseang lalang sikontu panggaukanNa.

ROMA 3:19

Kamma-kamma anne niassemmi angkanaya sikamma anjo tattulisika lalang ri hukkung-hukkung agama Yahudia, tattuju mae ri sikamma tau niaka irawangang pamarentahanna anjo hukkung-hukkunga. Lanri kammana, tenamo sitau akkulle appare' alasang siagang akkullei nituntu' ri Allata'ala sikontu bonena linoa.

ROMA 2:5

Mingka kapala batu ngasengko siagang taerokako ampinrai gau'nu. Jari battu ri kau ngaseng tonji napila' battala' hukkungang lanugappaya sallang punna Allo Kiama', iamintu punna Napa'nyata sallang pangngalarroiNa Allata'ala siagang Napabattu hukkunganNa adeleka.

MATIUS 27:4

Nakanamo ri ke'nanga, “Dorakama' kubalukangi tau tenaya salanna, sa'genna nihukkung mate!” Appialimi ke'nanga angkana, “Ikatte tena naparallu kijampangi; anjo urusannu kau!”

DANIEL 9:14

IKatte, o Karaeng Allata'alana ikambe, le'ba' anghukkungi ikambe iamintu bala le'baka Kipasadia; tindakanTa tuli annabai siagang adeleki, mingka ikambe tamappilangngeria ri kananTa.

PAMMILANGNGANG 22:34

Appialimi Bileam angkana, “Dorakama'. Tena kuassengi angkana ikatte ammenteng ri tangngana aganga untu' anrompai ikambe. Mingka kamma-kamma anne, punna turu' ri panggappata tabajikai punna kupatulusuki anne pa'lampangku, lammoterekka'.”

1 SAMUEL 26:21

Appialimi Saul angkana, “A'gau' dorakama'. Daud, ammotere' mako ana'! Tenamo nakula'gau' ja'dala' mae ri kau, lanri nurellakanga' attallasa' ri bangngia. Tolo sikali panggaukangku. Lingu tojeng-tojemma' nakke!”

1 SAMUEL 15:24

Nalangngere'na anjo, mangakumi Saul ri Samuel, angkana, “Memang dorakama'. Kudakkaimi parentaNa Batara siagang takujampangiami pitunjutta bapa'. Mallaka' ri ana' buaku nakuturukiang pappala'na ke'nanga.

PAMMUJI 9:16

Bansa-bansa tenaya naassengKi' tu'guru' antama' ri kali'bong nakekea kalenna ke'nanga; nialle ri sikko' napare' kalenna ke'nanga.

1 SAMUEL 15:30

Appialimi Saul angkana, “Dorakama'. Mingka kitulunga' bapa', ammotere' maki' siagang inakke sollangku akkulle assambayang ri Karaeng Allata'alata. Lalang kammana, kipakalompoma' ri dallekanna sikamma pamimpinna bansaku siagang ri dallekanna sikontu tu Israel.”

KALAPPASSANG 8:8

Nakio'mi Karaenga Musa siagang Harun nampa nakana, “Appala' doang mako mae ri Batara sollanna Napa'lanynya' anne sikamma tumpanga, nampa kulappassang a'lampa bansanu untu' mange assare koro'bang mae ri Batara.”

KALAPPASSANG 8:25

Nampa nakio'mi karaenga anjo Musa siagang Harun, na nakana, “A'lampamako mange assare koro'bang ri Allata'alanu, mingka anrinni mako bawang ri pa'rasanganga.”

KALAPPASSANG 10:17

Kamma-kamma anne pammopporangi dosaku, siagang appala' doang mako mae ri Karaeng Allata'alanu, sollanna Naalle battu ri nakke anne hukkungang ammunoa tau.”

PAMMILANGNGANG 21:7

Nampa battumo anjo bansaya andallekang ri Musa angkana, “Dorakami ikambe lanri a'moro-morona mae ri Batara siagang mae ri kau. Appala' doang mako mae ri Batara sollanna nipakabella anne sikamma ularaka battu ri kambe.” Jari appala' doammi Musa untu' anjo bansaya.

YOSUA 7:20

Nakanamo Akhan, “Kammatojengi, le'ba'ma' a'gau' dosa mae ri Batara, Allata'alana Israel. Iaminne kugaukanga:

2 SAMUEL 12:13

Nampa nakanamo Daud ri Natan, “Dorakama' mae ri Batara.” Appialimi Natan angkana, “Le'ba' maki' Napammopporang Batara; jari tena kilamate karaeng.