KALAPPASSANG 9:25 - KITTA' MATANGKASA'

²⁵ Ammanrakimi anjo bosi eska ri sikontu pa'rasanganga, napanraki sikontu apa-apa niaka ri kokoa, kammayatompa rupataua siagang olo'-oloka. Sikontu lamung-lamung niaka ri kokoa panra' ngasengi, siagang sikamma poko'-pokoka nirumbangngang todong.

KALAPPASSANG 9:25 Referans Kwoze

PAMMUJI 78:47

Napanraki poko' anggoroka siagang bosi batu, poko'-poko' arana ke'nanga siagang saliu' a'batu.

KALAPPASSANG 9:19

Jari parentakammi sollanna anjo sikontu olo'-olo' piaranu siagang sikamma apa-apannu niaka pantara' nierang antama' ri tampa' amanga. Sikontu taua siagang olo'-olo' piara niaka pantara' takkulleai a'la'lang siagang lamatei nituju ri es.”

KALAPPASSANG 9:24

bosi eska ia sanna' dudua siagang nirurunganga ri kila' assisambung-sambunga. Iaminjo bosi es kaminang sannaka lalang ri riwaya'na Mesir.

PAMMUJI 78:48

Nalappassangi bosi eska antujui olo'-olo' piarana ke'nanga, siagang nituju ri kila' olo'-olo' piarana ke'nanga.

YEHEZKIEL 13:13

Nakana Batara Kaminang Tinggia, “Lalang larroKu, lappabattuA' anging lompo, bosi lompo siagang bosi es untu' angngancuruki anjo temboka le'baka nupa'leoki,

KALAPPASSANG 9:6

Ammukona Nagaukammi Batara situru' anjo apa le'baka Napau. Sikontu olo'-olo' piarana tu Mesir mate ngasemmi, mingka olo'-olo' piarana tu Israel manna sikayu tania' mate.

YOSUA 10:11

Ri wattunna naung tu Amori battu ri pungku'na anjo monconga ampilari tantara Israel, appaturummi Batara bosi es lompo battu ri langika antujui ke'nanga ri aganga sa'genna mange ri Azeka. Jaiangngangi anjo mate nitujua ri es kala nibunoa ri tu Israel.