KALAPPASSANG 9:16 - KITTA' MATANGKASA'

¹⁶ Mingka Kulappassang ngasengko attallasa', sollanna akkulle Kupappicinikang kakoasangKu mae ri kau, sa'genna a'jari masahoro' arengKu ri sikontu linoa.

KALAPPASSANG 9:16 Referans Kwoze

ROMA 9:17

Nasaba' nia' tattulisi' lalang ri Kittaka angkanaya, “Nakana Allata'ala mae ri karaeng Mesir, ‘Se'reji bawang erokKu naKupa'jariko karaeng, iamintu eroki Kupappicinikang kakoasangKu battu ri kau, siagang na'jari masahoro' arengKu ri sikontu linoa.’ ”

PANGNGEBARANG 16:4

Sikontu apa Napareka Batara nia' natuju; na natujua tau ja'dalaka iamintu kapanrakang.

PAMMUJI 64:9

Posso'mi ke'nanga lanri bicaranna tonji ke'nanga; yangaseng ancinikai ammenggong ngaseng ulunna.

1 PATTOTTORANG 16:24

Caritai kala'biranNa ri sikontu bansa-bansaya, gau'-gau' malompoNa ri umma' rupataua.

KALAPPASSANG 14:17

LaKupa'jari kapala batui tu Mesir sa'genna naondang tulusu' tu Israel, nampa Kupappicinikang kakoasangKu mae ri Karaeng Mesir, mae ri pasukanna, sikamma karetana siagang sikamma tau niaka rate.

YUDAS 1:4

Nasaba' tanisa'ringai na nia'mo siapa are tu kodi ateka' antama' ri tangnga-tangngata. Anjo ke'nanga sangnging tau panra'; naputara' baleki biritta pangngamaseanNa Allata'alata, sollanna akkulle anggappa kasampatang ke'nanga untu' anggaukangi ero' hawa napasuna. Taerokai ke'nanga antarimai Isa Almasi, Batara Makoasa tena ruanna. Battu riolo dudu iji nanipau la'bi riolo memammo lalang ri Kittaka hukkungang lanagappaya ke'nanga.

1 PETRUS 2:8

Siagang “Iami anjo batua napattatto'roi taua, batu ampatu'gurukai ke'nanga.” Tatto'roi ke'nanga lanri tatappakai mae ri kananNa Allata'ala. Kammami anjo le'baka Napattantuangi Allata'ala untu' ke'nanga.

ROMA 9:22

Kamma tomminjo ri apa Napareka Allata'ala. Eroki ampappicinikangi pangngalarroinNa siagang kakoasanNa. Mingka sa'baraki Allata'ala mae ri anjo tau siratanga nihukkung lanri napakalarro-larrona Allata'ala.

MALEAKHI 1:11

NipakalompoA' ri sikamma bansa-bansaya ri sikontu linoa. Kere-keremae nitunui dupaya untu' ampakalompoi arengKu siagang nipassareangi sikamma koro'bang siratanga, ba'lalo sikontu bansaya napakalompoA'.

KALAPPASSANG 18:11

Kamma-kamma anne kuassemmi angkanaya malompoangngangi Batara na sikontu rewataya, lanri yangasenna anjo Nagaukangi ri wattunna tampo sikali tindakanna tu Mesir mae ri tu Israel.”

KALAPPASSANG 14:4

LaKupa'jari kapala batui anjo karaenga sa'genna amminawang angngondangko. Mingka laKupappicinikangi kakoasangKu mae ri anjo karaenga siagang tantarana, na lanaasseng ke'nanga angkanaya iNakkemi Batara.” Nampa nagaukammo tu Israel situru' anjo apa Naparentakanga Batara mae ri ke'nanga.

1 PETRUS 2:19

LaNabarakkakiko Allata'ala, punna sa'barakko angkasiaki panggaukang tenaya naadele' mae ri kau, lanri nuassenna ero'Na Allata'ala.

MALEAKHI 1:14

Nitunraimi patipu assarea ri Nakke olo'-olo' tenaya anggaranna, punna nia'ja olo'-olo' maraengannaya bajika le'baka napa'janjiang ri Nakke! Nasaba' iNakke Karaeng Malompo, siagang nipakalompoa ri sikontu bansaya.”

1 SAMUEL 4:8

Cilaka tojeng maki'. Inaimi akkulle ampasalamakki' battu ri anjo rewata-rewata kassaka? Sai ia tomminjo rewata-rewataya le'ba' ambunoi tu Mesirka ri parang lompoa riolo?

KALAPPASSANG 9:15

Ebara' angkana erokKa' anghukkungko siagang ra'ya'nu iamintu Kupitujuiko garring, mattantu sallo mako tena ngaseng.

KALAPPASSANG 9:17

Mingka manna mamo nakamma anjo, tuli tinggi langganu siagang taerokako allappassangi ummakKu a'lampa.

NEHEMIA 9:10

Kigaukangi gau' mahebaka ri karaeng Mesir kamma todong ri pagawena siagang ri ra'ya'na pa'rasanganna, nasaba' Kiassengi antekamma batena ampa'risi ummatTa. Nampa masahoro'mo arenTa sa'genna anne alloa.

PAMMUJI 76:10

Ri wattunTa ammenteng ero' angngadeli untu' ampasalamaki tau nijallakkanga ri lino.

PAMMUJI 106:8

Mingka Batara Napasalamaki ke'nanga lanri kalenna tonji, sollanna a'jari a'nyata kaporeanNa.

YEREMIA 32:20

Riolo dudu iKatte anggaukangi gau' appakalannasaka siagang apa-apa tenaya nantama ri akkala'na rupataua ri Mesir, siagang sa'genna pole kamma-kamma anne tuli Kigaukanna, baji' naritangnga-tangngana tu Israel kammayatompa ri tangnga-tangngana sikontu bansa maraenga. Lanri kammanami anjo NaKimasahoro' ri kere-keremae.

YEHEZKIEL 39:21

Nakana Batara, “LaKuparhatikangi kala'birangKu mae ri bansa-bansaya. Lanacini' ngasengi ke'nanga antekamma bateKu ampakei kakoasangKu untu' ampa'rupai kaputusang-kaputusangKu adeleka.

PAMMILANGNGANG 14:21

Mingka a'janjiA' lanri batangkalengKu siagang lanri iNakke mattallasaKa siagang makoasaYa ri anne linoa,

YOSUA 4:24

sollanna naasseng ngaseng sikontu taua ri lino antekamma lompona kakoasanNa Batara. Siagang lanri kammana minjo nalanupakala'biri' Karaeng Allata'alanu sa'genna satunggu-tungguna.”

2 SAMUEL 7:23

Ri sikontu linoa tena nia' bansa sangkamma Israel. Tena ruanna bansa Israel le'ba' Kilappassang battu ri tunipare' ataya untu' Kipa'jari umma' kalenTa. Sikontu gau' malompoa siagang appakalannasaka Kigaukanga mae ri ke'nanga, ampa'jari masahoroki arenTa ri sikontu linoa. Bansa-bansa maraenga siagang rewata-rewatana le'ba'mi Kibongka ri wattunna maju ummatTa a'bundu'.

2 KARAENG-KARAENG 19:35

Ia memang anjo bangngia nabattumo Malaeka'Na Batara ri pakkemaanna tu Asyur siagang nabuno tantarana nia' 185.000 jaina. Ammukona bari'basa' tassimbungi mange-mange maya'na ke'nanga.