KALAPPASSANG 8:15 - KITTA' MATANGKASA'

¹⁵ Ri wattunna nacini' karaenga angkanaya mate ngasemmi anjo tumpanga, kapala batumi pole. Na kamma le'baka Napau Batara, taerokai karaenga anjampangi kananna Musa siagang Harun.

KALAPPASSANG 8:15 Referans Kwoze

YESAYA 26:10

Manna nabaji' nigaukang ri tau ja'dalaka, tena todong napappilajari apa annabaya. Manna ri pa'rasangang niaka hukkunna jekkong tonji gau'na, na taeroka angngakui koasaNa Batara.

IBRANI 3:15

Iaminne tattulisika lalang ri Kittaka, angkanaya, “Punna nulangngere' sa'ranNa Allata'ala anne alloa, teako tamappilangngeri sangkamma boe-boenu riolo, ri wattunna nabali Allata'ala.”

IBRANI 3:8

teako tamappilangngeri, sangkamma boe-boenu riolo, ri wattunna nabali siagang naso'ri ke'nanga Allata'ala ri parang lompoa.

KATO'BA 8:11

Angngapa nagampang kamma taua anggaukangi kaja'dallanga? Lanri tenana nalinta' nipitabai hukkungang.

KALAPPASSANG 7:4

Lanri kammana anjo laKuhukkungi Mesir siagang hukkungang-hukkungang battala', nampa Kuerang sikontu bansa Israel, ummakKu, assulu' battu ri anjo pa'rasanganga.

KALAPPASSANG 14:5

Nalangngere'na Karaeng Mesir angkana larimi bansa Israel, assesse'lalammi siagang sikamma pagawena. Nakanamo, “Apa musti nigaukang? Angngapa nanilappassang anjo tu Israelka a'lampa sa'genna tenamo atanta?”

KALAPPASSANG 4:21

Nakana Batara ri Musa, “Le'ba' mako Kusare koasa untu' anggaukangi gau'-gau' malompoa. Jari punna ammotere' mako sallang ri Mesir, gaukammi anjo sikamma gau'-gau' malompoa ri dallekanna Karaeng Mesir. Mingka laKupa'jari terasaki pa'mai'na, sa'genna taeroka assarei ising untu' a'lampa anjo bansaya.

PAPPICINI' 16:9

Ammutummi rupataua napakamma bambanna, sa'genna natunraimo arenNa Allata'ala, Makoasaya mae ri sikamma anjo balaya. Manna nakamma tena todong naero' toba' ke'nanga battu ri dosa-dosana siagang tena naero' ke'nanga ammuji ri kalompoanNa Allata'ala.

HOSEA 6:4

Mingka Nakana Batara, “He tu Israel siagang tu Yehuda! Apa musti Kugaukang mae ri kau ngaseng? Pangngainnu mae ri Nakke poro sinampe'ji natenamo, rapang saliuka ri wattu bari'basa'.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

KALAPPASSANG 8:8

Nakio'mi Karaenga Musa siagang Harun nampa nakana, “Appala' doang mako mae ri Batara sollanna Napa'lanynya' anne sikamma tumpanga, nampa kulappassang a'lampa bansanu untu' mange assare koro'bang mae ri Batara.”

KALAPPASSANG 8:14

Napasse'remi tu Mesir anjo sikontu tumpang matea, sa'genna attambung-tambung, na'rasamo botto'na ri sikontu pa'rasanganga.

KALAPPASSANG 8:16

Nakana Batara ri Musa, “Suroi Harun antunrungi buttaya siagang takkanna, nampa tappinra ngaseng sikontu limbu'bu' niaka ri Mesir a'jari lamu'.”

KALAPPASSANG 8:28

Nakanamo karaenga, “Baji'mi, kulappassangko a'lampa mange ri parang lompoa untu' assare koro'bang mae ri Batara, Allata'alanu, assala' tenaja nu'lampa bella. U'rangi, na nupappala' doanganga'!”

KALAPPASSANG 8:29

Appialimi Musa angkana, “Punna a'lampama', lappala' doamma' linta' sollanna a'lampa anjo sikontu katingaloa ammuko ambokoiki', kammayatompa sikamma pagaweta siagang ra'yaka. Mingka teaki' annipui pole, siagang teaki' rompai tu Israel a'lampa untu' assare koro'bang mae ri Batara.”

KALAPPASSANG 8:32

Mingka anne kamma kapala batumi sedeng karaenga siagang tanakellaiyai a'lampa anjo bansaya.

1 SAMUEL 6:6

Apa matu-matunnu ampatterassangi ulunnu sangkamma karaeng Mesir riolo? Teako kaluppai antekamma bateNa Allata'ala ampare' karek-karenangi ke'nanga, sa'genna jarra ke'nanga, nampa Nalappassang anjo tu Israel ambokoi Mesir.

PANGNGEBARANG 26:11

Sanrapang kongkong angkanrei ammotere' langngena, kammaminjo tau toloa ampa'mole-molei kadongokanna.

1 SAMUEL 6:3

Appialimi ke'nanga angkana, “Anjo Patti ParjanjianNa Allata'alana Israel, teako poterang bawangngi, mingka musti nipirurungi hadia untu' antangkasi dosa-dosanu. Lalang kammana anjo nulanipakabaji' battu ri garrinnu, siagang lanuassemmi angkanaya apa saba'na natuli Nahukkungko Allata'alana Israel.”

1 SAMUEL 6:9

Parhatikangi jappana; punna anjo Patti Parjanjianga nierang mangei ri pa'rasangang kalenna, iamintu kota Bet-Semes, battuanna Allata'alana tojeng tu Israel ampabattui anjo kacilakang lompoa mae ri katte. Mingka punna tena na'lampa mange anjoreng anjo karobaya, laniassemmi angkanaya anjo balaya teai bala battu ri Allata'alana tu Israel, passangalinna kabutulanji bawang.”

1 SAMUEL 6:12

Ajappami anjo sapi-sapia tulusu' mange ri Bet-Semes. A'jappa turusmi anjo sapia, tena le'bakai a'lili mae ri kanang yareka mae ri kairi battu ri agang lompoa. Amminawang turusmi anjo limaya karaeng ri Filistin sa'genna narapi' pa'baeng-baenna Bet-Semes.