KALAPPASSANG 7:23 - KITTA' MATANGKASA'

²³ Ba'lalo ammotere'mi mange ri balla' karaenga natena sikali najampangi manna sike'de' anjo apa kajarianga.

KALAPPASSANG 7:23 Referans Kwoze

MALEAKHI 2:2

Pakalompoa' lalang panggaukannu. Punna taerokako ampilangngeri kanangKu, laKutunraiko. Sikontu apa nutarimaya salaku dalle' latappinrai a'jari pattunra. Sikontutojenna, sikontu anjo apa bajika le'ba'mi Kutunrai, lanri tena nujampangi parenta-parentaKu.

HABAKUK 1:5

Nampa Nakanamo Batara mae ri umma'Na, “Parhatikangi bansa-bansaya ri tammulilinu, nanulalannasa' siagang latakkajannang. Nasaba' ri jammannu nia' apa ero' laKugaukang, tenaya nalanupatappa' punna poro nicarita bawang mae ri kau.

YEHEZKIEL 40:4

Nakana anjo tau bura'nea ri nakke, “He tau, pilangngeri baji'-baji' siagang parhatikangi sikontu apa kupappicinikanga mae ri kau, nasaba' lanri kammanami anjo nanierangko mae anrinni. Pauangi bansa Israel sikontu anjo apa nucinika.”

YEREMIA 36:24

Manna pole sanna' napala'na Elnatan, Delaya, siagang Gemarya sollanna tena natunui karaenga anjo kitta' nigulunga, mingka taerokai karaenga ampilangngeri ke'nanga. Baji' nakaraenga kammayatompa sikamma pagawe allangngerekai bonena anjo kittaka tena na'jari malla' yareka assesse' lalang nicini'.

YEREMIA 5:3

Sikontutojenna ia Natuntuka Batara iamintu pa'mai' tamamminraya. Natunrungko Batara, mingka tena nujampangi. Nalicakko, mingka taerokako niajara'. Kapala batuko, siagang taerokako toba' battu ri dosa-dosanu.

YESAYA 26:11

O, Batara, sadia maKi' langhukkungi musunTa, mingka tanaassengai kalenna ke'nanga. Lappassammi ke'nanga ammakkala' kacci anciniki pangngamaseanTa mae ri ummatTa. Lappassammi ke'nanga cappu' niancuru' ri hukkungang Kisadiakanga mae ri ke'nanga.

PANGNGEBARANG 29:1

Inai tulusu' tappilangngeria nipakainga', lapanraki ri se'reang wattu, na takkullea nipakabaji' poleang.

PANGNGEBARANG 24:32

Le'ba'na kuparhatikang siagang kunawa-nawa anjo passalaka, kugappami anne pappilajaranga:

PANGNGEBARANG 22:17

Pilangngeri, lakupangngajarrangi mae ri kau pappakainga' bajika! Parhatikangi pangngajarakku.

PAMMUJI 62:10

Rupataua sanrapanji bawang sipa'maikang nappasa', lompo yareka ca'di para tena anggaranna. Punna nitimbangi, a'nassami angkana ringannaja ke'nanga, la'bi ringangi na sipa'maikanga nappasa'.

AYUB 7:17

Angngapa naparallu kamma rupataua mae ri Katte? Angngapa natuli Kiparhatikang kamma panggaukanna?

1 SAMUEL 4:20

La'birinnamo mate, nakanamo sikamma bai'-baine niaka antulungi, “Sa'barakko! Bura'ne ana'nu!” Mingka tenamo nappiali, siagang tenamo najampangi ke'nanga.

PAOLE 32:46

nakanamo Musa, “Katutui sollannu mannuruki ri sikontu parenta kupassareanga mae ri kau anne alloa. Pangngajarrangi mae ri ana'-ana'nu, sollanna akkulle mannuruki ke'nanga ri sikontu hukkunNa Batara siagang pa'mai' tamamminra.

KALAPPASSANG 9:21

Mingka maraenganga tanajampangiai anjo pappakaingaka, siagang naboli'ji sikamma atanna siagang olo'-olo' piarana ke'nanga ri paranga.

KALAPPASSANG 7:22

Mingka nagaukang tommi kammaya anjo sikamma tucara'de'na tu Mesir, iamintu napakei pangngissenganna ke'nanga. Jari tuli kapala batuna karaenga. Kamma le'baka Napau Batara, taerokai karaenga ampilangngeri Musa siagang Harun.

KALAPPASSANG 7:24

Angngeke ngasemmi bungung sikontu tu Mesir ri birinna binangaya untu' a'boya je'ne' inung, lanri takkullena niinung je'ne'na anjo binangaya.

KALAPPASSANG 9:20

Nia' siapa are pagawe a'jari malla' allangngereki anjo kananNa Batara. Naerammi sikamma atanna siagang olo'-olo' piarana ke'nanga antama' ri balla' sollanna kala'langngang.

PANGNGEBARANG 28:14

Tuli pakalompoi Batara, na nulamate'ne. Punna nubaliangi, langgappako bala.

YESAYA 47:7

Nukapangi angkanaya la'jari karaeng baineko satunggu-tungguna, na tanuassenga yareka tanupikkira kale'bakkanna.