KALAPPASSANG 7:16 - KITTA' MATANGKASA'

¹⁶ Pauangi anjo karaenga angkana: Batara, Allata'alana tu Ibrania, Nasuroa' ampabattui mae ri katte, sollanna kilappassang a'lampa umma'Na mange untu' anggaukangi ibadana mae ri Ia ri parang lompoa. Mingka sa'genna kamma-kamma anne tena kiero' appilangngeri.

KALAPPASSANG 7:16 Referans Kwoze

KALAPPASSANG 3:18

Lanapilangngeri ummakKu kana-kanannu. Nampa musti siagangko sikamma pamimpinna tu Israel a'lampa mange andallekang ri Karaeng Mesir siagang angkana ri ia, ‘Batara, Allata'alana tu Ibrani, nia'mi battu ampappicinikangi KalenNa mae ri kambe. Kamma-kamma anne kisaremi ising ikambe a'lampa kira-kira tallungallo sallona nijappai battu anrinni, mange ri parang lompoa untu' assare koro'bang mae ri Batara, Allata'alana ikambe.’ ”

KALAPPASSANG 9:1

Nakanamo Batara mae ri Musa, “A'lampako mange andallekang ri karaenga nampa nupau mae ri ia angkanaya Batara, Allata'alana tu Ibrania, angkanai: Lappassangi ummakKu a'lampa sollanna akkulle ke'nanga anggaukangi ibadana mae ri Nakke.

KALAPPASSANG 9:13

Nakanamo Batara ri Musa, “A'lampako ammuko bari'basa' dudu mange andallekang ri karaenga, nampa nupabattuang angkanaya Batara, Allata'alana tu Ibrani Nakana: Lappassangi ummakKu sollanna akkulle ke'nanga a'lampa mange anggaukangi ibadana mae ri Nakke.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

YEREMIA 50:33

Nakana Batara Kaminang Koasaya, “Nijallakkangi tu Israel siagang tu Yehuda. Sikontu tau antahangai ke'nanga, najagai bajiki siagang taerokai allappassangi ke'nanga.

YESAYA 45:13

INakke ampagioki Karaeng Kores untu' anggaukangi erokKu siagang ampaentengi kaadelanga. INakke allappari sikontu agang naoloa. Lanabangungi ammotere' kotaKu Yerusalem siagang lanalappassangi ummakKu nitahanga, na tanisarea doe' pammuccu' yareka pa'bayara'.” Batara Kaminang Makoasaya anne le'ba' angkana.

KALAPPASSANG 14:5

Nalangngere'na Karaeng Mesir angkana larimi bansa Israel, assesse'lalammi siagang sikamma pagawena. Nakanamo, “Apa musti nigaukang? Angngapa nanilappassang anjo tu Israelka a'lampa sa'genna tenamo atanta?”

KALAPPASSANG 13:15

Ri wattunna kapala batu Karaeng Mesir siagang taerokai allappassangki' a'lampa, Nabunomi Batara sikontu ana'-ana' bura'ne bungasa' lassuka ri Mesir, baji' ana' rupataua kammayatompa ana' olo'-oloka. Iaminjo saba'na nanikoro'bangkang mae ri Batara sikontu olo'-olo' piara lakia ia bungasaka lassu', mingka nipasuluki ana'-ana' bura'neta ia bungasaka lassu'.’

KALAPPASSANG 10:3

Nampa a'lampami Musa siagang Harun mange andallekang ri karaenga na nakana ri ia, “Batara, Allata'alana bansa Ibrani, appasangi angkana, ‘Siapapi sallonu taeroka tundu' mae ri Nakke? Lappassammi ummakKu a'lampa, sollanna akkulle ke'nanga nagaukang ibadana mae ri Nakke.

KALAPPASSANG 8:20

Nakanamo Batara ri Musa, “A'lampako ammuko bari'basa' dudu andallekang ri karaenga ri wattunna naung ri binangaya, nampa nupauang anne kanangKu: Lappassangi ummakKu a'lampa mange anggaukangi ibadana mae ri Nakke.

KALAPPASSANG 8:1

Nampa Nakana Batara ri Musa, “A'lampako mange andallekang ri karaenga siagang pabattui mae ri ia pasangKu anne: Lappassangi ummakKu a'lampa untu' anggaukangi ibadana mae ri Nakke.

KALAPPASSANG 3:13

Appialimi Musa angkana, “Mingka punna mangea' ri tu Israel siagang kukana ri ke'nanga: ‘Allata'alana boe-boenu assuroa' battu anne mae ri kau ngaseng,’ tantu lakkuta'nangi ke'nanga angkana, ‘Inai arenNa?’ Jari apa musti kupappialiang mae ri ke'nanga?”

KALAPPASSANG 4:22

Nampa paumi ri anjo karaenga angkanaya iNakke, Batara, appasang kamma anne: ‘Anjo Israel ana' toaKu,

KALAPPASSANG 4:23

siagang ikau Kuparentakang mako sollanna nusare ising anjo anakKu untu' a'lampa, sollanna akkulle nagaukang ibadana mae ri Nakke; mingka nutollaki anjo parentaKu. Kamma-kamma anne laKubunoi ana'nu toaya.’ ”

KALAPPASSANG 7:4

Lanri kammana anjo laKuhukkungi Mesir siagang hukkungang-hukkungang battala', nampa Kuerang sikontu bansa Israel, ummakKu, assulu' battu ri anjo pa'rasanganga.