KALAPPASSANG 7:15 - KITTA' MATANGKASA'

¹⁵ Lanri kammana, a'lampamako angngagangi sibuntulu' ammuko bari'basa', ri wattunna naung ri Binanga Nil. Erangi anjo takkang akkullea tappinra a'jari ulara', nampa nutayang kabattuanna ri biring binangaya.

KALAPPASSANG 7:15 Referans Kwoze

KALAPPASSANG 8:20

Nakanamo Batara ri Musa, “A'lampako ammuko bari'basa' dudu andallekang ri karaenga ri wattunna naung ri binangaya, nampa nupauang anne kanangKu: Lappassangi ummakKu a'lampa mange anggaukangi ibadana mae ri Nakke.

KALAPPASSANG 7:10

Jari a'lampami Musa siagang Harun andallekang ri karaenga siagang nagaukammi anjo apa Naparentakanga Allata'ala. Nabuangi Harun takkanna ri buttaya ri dallekanna karaenga siagang sikamma pagawena, nampa a'jari ulara'mo anjo takkanga.

KALAPPASSANG 2:5

Lalang kammana anjo nia'mi battu ana' bainena karaenga. Naungi ri binangaya ero' a'je'ne', nampa dayang-dayanna a'jappa-jappai ri biring binangaya. Ti'ring nacaini'mi anjo ana' bainena karaenga anjo karanjenga ri tangnga-tangngana rukuka; nasuromi kalase'renna atanna bainea mange angngallei anjo karanjenga.

YEHEZKIEL 29:3

Nasuroa' Batara Kaminang Tinggia ampabattui mae ri karaeng Mesir anne pasanga, angkana, “INakke anne musunnu, he buaya lompo niaka attinro ri tangngana binangaya. Lompoi bawanu accarita angkanaya anjo Binanga Nil ikau pata siagang angkanaya ikau ampareki.

KALAPPASSANG 7:14

Nampa Nakana Batara ri Musa, “Anjo karaenga sanna' kapala batuna; taerokai napassareang a'lampa bansa Israel.

1 PATTOTTORANG 16:21

Mingka tena nipa'biangi ri Batara nijallakkang ri bansa maraeng ke'nanga; lanri ke'nanga Nanipakainga' sikamma karaenga angkana,