KALAPPASSANG 5:17 - KITTA' MATANGKASA'

¹⁷ Appialimi karaenga angkana, “Malasa' ngaseng memang tongko siagang taerokako anjama. Iaminjo saba'na nuppala' ising ri nakke untu' a'lampa mange assare koro'bang ri Bataranu.

KALAPPASSANG 5:17 Referans Kwoze

YOHANES 6:27

Teako naporo untu' kanre lala'busuka siagang labottokaji bawang nanuanjama-jama. Anjamako untu' kanre tenaya nakkulle botto' siagang akkullea assare katallassang mannannungang. Iaminjo kanre kammaya laNasareangko Ana' Ma'rupataua, nasaba' Iami le'ba' Nalanti' Allata'ala Manggea.”

MATIUS 26:8

Larromi ana'-ana' gurunNa Isa nacini'na appakamma anjo bainea. Nakanamo ke'nanga, “Apa matu-matunna napa'laboang kamma anjo minynya'-minynyaka?

KALAPPASSANG 5:8

Mingka suroi ke'nanga appare' batu bata tena nakurang jaina battu ri allo-allo le'baka. Eroki ke'nanga a'malasa'-malasa'; iaminjo saba'na natulusu' jai bicara ke'nanga sollanna nisare ising untu' a'lampa assare koro'bang mae ri Allata'alana ke'nanga.

KALAPPASSANG 5:16

Tenamo nisarei ikambe rarame, mingka nipassai ikambe appare' batu bata! Kamma-kamma anne masarromi ikambe niba'ji nampa pagawe-pagawena karaenga sitojenna sala!”

KALAPPASSANG 5:18

A'lampamako mange anjama pole! Tena nulanisare rarame, mingka musti tuli apparekko batu bata sangkamma jaina riolo.”