KALAPPASSANG 40:9 - KITTA' MATANGKASA'

⁹ Nampa anjo Kemaya siagang sikontu pakkakasa'na musti nupassareangi mae ri Nakke; minynyaki ngasengi siagang minynya' upacara sollanna a'jari matangkasa' ngaseng siagang nisa'la' untu' iNakke.

KALAPPASSANG 40:9 Referans Kwoze

KAIMANGNGANG 8:10

Nampa angngalle Musa minynya' upacara siagang napasapu mae ri KemaNa Batara siagang sikontu pakkakasa'na. Lanri kammana anjo nanisa'la' ngasemmo anjo apa sikammaya untu' Batara.

PAMMILANGNGANG 7:1

Ri wattunna le'ba' nabangung Musa KemaNa Batara, nitangkasimi anjo Kemaya siagang sikontu pakkakasa'na, iamintu nisapui ngasengi siagang minynya' upacara. Kamma tomminjo nagaukanga mae ri tampa' pakkoro'bangnganga siagang sikontu pakkakasa'na.

1 YOHANES 2:20

Mingka nutarimami RohNa Allata'ala, le'baka Napaturung Isa Almasi. Iaminjo saba'na nanuassemmo pangngajarang tojenga.

2 KORINTUS 1:22

Untu' iaminjo nakile'ba'mo Nasare pammatei a'jari taunNa, siagang Napassareang RohNa antama' ri atinta. Iaminjo a'jari pammatei pannanggongi angkanaya laNapassareang ngasengi Allata'ala sikontu apa le'baka Napa'janjiang.

2 KORINTUS 1:4

Iami ansaleori pa'mai'na ikambe ilalang sikamma kasukkaranna ikambe. Sollanna lanri panjarrekkinNa, nakkulle tommo ikambe ansaleori tongi sikontu tau natujua susa.

YOHANES 3:34

Nasaba' tunisuroa ri Allata'ala, Napabattui kana-kananNa Allata'ala, lanri nipassareang ngasemmi RohNa Allata'ala ri Ia.

MATIUS 3:16

Le'baki nije'ne', assulu'mi Isa battu ri je'neka ri anjo binangaya. Ti'ring tassungkemi langika, nampa nia'mo Nacini' Isa RohNa Allata'ala manurung sangkamma jangang-jangang bodobangkeng, battu attompo' irateanganNa.

YESAYA 61:1

KoasaNa Batara Kaminang Tinggia niaki ri nakke; Napilea' siagang Nasuroa' untu' angngerang kabara' baji' mae ri tau kasi-asia siagang ampammollei tau ancuruka pa'mai'na; untu' ampa'la'bangi mae ri tau nitahanga angkanaya tasalloami nanilappassang ke'nanga, siagang mae ri sikamma tau nitarungkua angkanaya lanipasulu'mi ke'nanga.

YESAYA 11:2

KoasaNa Batara langngului, ampa'jari baji' akkalaki siagang cara'deki, porei angngalle kaputusang nampa nagaukang; angngassengi ero'Na Allata'ala siagang mappilangngeri ri Ia.

PAMMUJI 45:7

Nasareko koasa Allata'ala untu' ammarenta, attahangi koasanu satunggu-tungguna; ammarentako' siagang adele' mae ri ra'ya'nu.

KALAPPASSANG 39:39

tampa' pakkoro'bangngang battu ri tambaga siagang kawa' nianyang battu ri tambaga, kayu pa'bule' siagang sikamma pakkakasa'na; ba' pa'bissang siagang pa'lapara'na,

KALAPPASSANG 37:29

Appare' tommi Bezaleel minynya' upacara siagang dupa kaminang bajika siagang bauka, nicampuru' sangkamma minynya' wangi.

IBRANI 9:21

Le'baki anjo napaba'basa' kammatommi anjo Musa anjo ceraka mae ri kemaNa Batara siagang sikontu pakkakasa' sarroa nipake assambayang.

KALAPPASSANG 40:8

Nampa nupataba layaraka ri tammulilina paranglakkeng Kemaya, siagang gentungi gordeng pakke'bu' lompona paranglakkenga.

YEHEZKIEL 28:14

Malaeka' appakamallaka laKuboliki anjoreng untu' anjagaiko. Ammantangko irate ri bulu' matangkasakKu siagang a'jappako ri tangnga-tangngana batu paramata accilla'-cillaka.