KALAPPASSANG 40:29 - KITTA' MATANGKASA'

²⁹ nampa ri dallekanna pakke'buka napadongko'mi tampa' pakkoro'bangngang untu' koro'bang nitunua. Irate ri anjo tampa' pakkoro'bangnganga napassareammi koro'bang nitunua siagang koro'bang pappatalaya.

KALAPPASSANG 40:29 Referans Kwoze

KALAPPASSANG 40:6

Boliki tampa' pakkoro'bangngang untu' koro'bang nitunua ri dallekang pakke'bu'na Kemaya.

IBRANI 13:10

Ikatte nia' tampa' pakkorobangnganta untu' assare koro'bang mae ri Allata'ala. Na anjo imang-imang allayania lalang ri KemaNa Batara, tena ha'na angkanrei anjo koro'bang niaka irate ri anjo tampa' koro'banga.

IBRANI 9:12

Sikaliji Almasi antama' ri anjo Kamara' Kaminang Matangkasaka ilalang ri anjo kemaya sa'genna satunggu-tungguna. Anjo wattua tena Nangngerang cera' bembe laki, yareka cera' sapi rungka untu' lanipangngadakkang; passangalinna cera' KalenNa Naerang, na lanri kammanami anjo naNalappassang maki' battu ri dosa-dosaya sa'genna satunggu-tungguna.

MATIUS 23:19

Teai sipato' butanu ngaseng! Kereanga paralluangang? Koro'banga, yareka tampa' koro'banga ampa'jariai matangkasa' anjo koro'banga?

KALAPPASSANG 40:28

Nagentungi Musa gordenga ri pakke'bu' Kemaya,

KALAPPASSANG 40:30

Ba' je'ne' tambagaya niboli'mi ri alla'na Kemaya siagang tampa' pakkoro'bangnganga, nampa nabonei je'ne'.

2 KARAENG-KARAENG 16:14

Naciniki Ahas angkanaya tampa' pakkoro'bangngang nipareka battu ri tambaga iamintu nisa'laka untu' Batara niaki attampa' ri alla'na Balla'Na Batara siagang anjo tampa' pakkoro'bangngang berua. Lanri kammana anjo napalette'mi anjo tampa' pakkoro'bangngang nipareka battu ri tambaga battu ri dallekang Balla'Na Batara mange ri bageang warakanna anjo tampa' pakkoro'bangngang berua.

YEHEZKIEL 43:18

Nakana Batara Kaminang Tinggia ri nakke, “He tau, pilangngeri apa Kupaua mae ri kau. Punna le'baki anjo tampa' pakkoro'bangnganga nibangung, musti numinyaki iamintu attunuko koro'bang irateanna siagang nupiracciki cera' koro'bang.

KAIMANGNGANG 1:1

Battu ri KemaNa, Nakioki Batara anjo Musa nampa Nasare paratorang-paratorang,

YEHEZKIEL 40:47

Anjo tu bura'nea naukkuruki paranglakkeng bageang lalanga. Tanja'na iamintu appa' pasagi: la'buna siagang sangkara'na massing 50 metere'. Anjo Balla'Na Batara niaki ri bageang ilau', na ri dallekanna nia' tampa' pakkoro'bangngang.