KALAPPASSANG 4:8 - KITTA' MATANGKASA'

⁸ Nakana Batara, “Punna taeroka tappa' ke'nanga mae ri kau, yareka tena nayaking ri le'ba'namo nacini' anjo gau' malompo makase'rea, iami anne gau' malompo makaruaya lampa'jari tappaki ke'nanga.

KALAPPASSANG 4:8 Referans Kwoze

YESAYA 28:10

Angngapa naia langngajarakki' tasse're-se're hurupu', tassibuku-tassibuku kana, kammayatompa tassilampang-tassilampang bicara.”

PAOLE 32:39

Ciniki, iNakke Allata'ala Tenaya Ruanna, pantaranganna iNakke tena maraeng. INakke ammuno siagang iNakke appakatallasa', allokoki siagang appamolle. PungKu angngalle tindakang, tena manna sitau akkulle angngewa.

AYUB 5:18

Saba' Allata'ala amma'risi, Ia todong ammallei. LimanNa annunrung, limanNa todong appakabaji' ammotere'.

2 KARAENG-KARAENG 5:7

Ri wattunna nabaca karaeng Israel anjo suraka, nakekke'-kekke'mi pakeanna napakamma lussa', na nakana, “Ballasa'ma' nakke! Apa saba'na nanapala' karaeng Siria sollanna kupammolle anne taua? Teai inakke Allata'ala, Ia niaka koasaNa untu' ampattallasaki yareka ampamatei rupa taua. Ma'nassa ero'naja anjo karaeng Siria a'boya pa'bettesang mae ri nakke!”

YOHANES 12:37

Manna pole najaimo gau'-gau' appakalannasa' le'ba' Nagaukang Isa ri dallekanna ngaseng ke'nanga, mingka tena naero' tappa' ke'nanga ri Ia.

KALAPPASSANG 4:7

Nampa Nakana Batara, “Pantamaki ammotere' anjo limannu ri bajunnu.” Nagaukammi Musa anjo kammaya, na ri wattunna napasulu' pole ammotere', a'jari baji'mi ammotere' anjo limanna.

KALAPPASSANG 4:9

Punna tena ijapa naero' tappa' ke'nanga manna pole nale'ba'mo nacini' anne ruaya gau' malompo, siagang taerokai ke'nanga anjampangi kana-kanannu, angngalleko sike'de' je'ne' battu ri Binanga Nil nampa nupatiri' naung ri buttaya. Latappinrai anjo je'neka a'jari cera'.”

KALAPPASSANG 4:28

Nacaritami Musa mae ri Harun sikontu apa le'baka Napau Batara mae ri ia ri wattunna nisuro ammotere' mange ri Mesir, kammayatompa sikontu gau' malompo mustia nagaukang.

HAKING-HAKING 6:17

Appialimi Gideon angkana, “Punna Nangai tojenga Batara, Kisarema' se're pammatei manassana angkanaya Batara memang amparentakangi anne passuroa mae ri nakke.