KALAPPASSANG 4:27 - KITTA' MATANGKASA'

²⁷ Lalanna anjo wattua Nakanamo Batara ri Harun, “A'lampako mange ri parang lompoa untu' ambuntuli Musa.” A'lampami Harun, nampa sibuntulu'mo siagang andi'na ri moncong matangkasaka, siagang nabaumi anjo andi'na.

KALAPPASSANG 4:27 Referans Kwoze

KALAPPASSANG 3:1

Anjo wattua nakalawaki Musa sikamma gimbala'na siagang bembena Yitro, iamintu matoanna, imanga ri butta Midian. Ri wattunna naemba anjo olo'-olo' piaraya anta'leang ri parang lompoa, battumi mange ri Moncong Sinai, iamintu moncong matangkasaka.

LAMPA-LAMPANA 10:20

Lintakko naung, siagang teako bata-batai ampinawangi ke'nanga, nasaba' iNakke assuroi ke'nanga.”

KATO'BA 4:9

Upakkangngangi nikanaya sipa'rua na ia akkale-kalea. Punna anjamai ke'nanga, la'bi bajikangngangi wassele'na.

1 KARAENG-KARAENG 19:8

Ambangummi Elia, nampa angnganre siagang angnginung. A'jari gassimmi nasa'ring, siagang akkullemi a'jappa patampulo allo sallona mange ri Moncong Sinai, tampa'na le'ba' ampa'nyatai KalenNa Allata'ala.

KALAPPASSANG 20:18

Ri wattunna nalangngere' taua gunturuka siagang sa'ra tarompeka, kammayatompa nacini'na kilaka siagang a'rumbu monconga, annekkere'mi ke'nanga napakamma malla', siagang ammenteng battu bellami ke'nanga.

KALAPPASSANG 19:3

siagang nai'mi Musa ri anjo monconga untu' assibuntulu' siagang Allata'ala. A'bicarami Batara mae ri Musa battu ri anjo monconga siagang Nasuromi ampa'la'bangi napau mae ri tu Israel, jari-jarina Yakub, angkana,

PA'JARIANG 29:11

Nampa nabau anjo Rahel, nangngarru' napakamma rannu;

KALAPPASSANG 4:26

Anjo kananna nia' passisambunganna siagang pa'gaukang sunnaka. Jari tajariami Batara ambunoi Musa.

KALAPPASSANG 18:5

Battumi Yitro siagang bainenna Musa kammayatompa rua ana'na mange ri parang lompoa, tampa'na Musa akkema, ri ampi'na moncong matangkasaka.

KALAPPASSANG 18:7

jari assulu'mi Musa mange ambuntuli ke'nanga. Su'ju'mi ri dallekanna Yitro nampa nabau anjo matoanna. Massing sikuta'nammi ke'nanga angkana antekamma kaadaanna ke'nanga, nampa antama' ri kemana Musa.

KALAPPASSANG 24:13

Nampa sadiamo Musa siagang pambantuna iamintu Yosua untu' nai' ri anjo moncong pammantanganNa Batara.

PAMMUJI 105:26

Nampa Nasuro Musa atanNa siagang Harun tunipileNa.