KALAPPASSANG 39:43 - KITTA' MATANGKASA'

⁴³ Naparessami Musa yangasenna anjo jama-jamanga na nacini'mo angkanaya le'ba' ngasemmi napa'le'ba' ke'nanga anjo jama-jamanga situru' apa Naparentakanga Batara. Nampa nabarakkakimo Musa anjo ke'nanga.

KALAPPASSANG 39:43 Referans Kwoze

2 PATTOTTORANG 30:27

Imang-imanga siagang tu Lewi napappalakangi barakka' ra'yaka ri Batara, nampa Napilangngerimo Allata'ala battu ri pammantanganNa ri suruga anjo pappala' doanna ke'nanga na Natarima.

1 KARAENG-KARAENG 8:14

Le'baki appala' doang, assailemi Karaeng Salomo mae ri sikontu ra'yaka, ia niaka ammenteng anjoreng, nampa napappalakkang barakka' ke'nanga battu ri Allata'ala.

2 SAMUEL 6:18

Nampa Nabarakkaki sikontu ra'ya' Israel lalang arenNa Batara Kaminang Koasaya.

PAMMUJI 104:31

Poro satunggu-tungguna kalompoanNa Batara! Poro rannui mae ri sikontu bate pa'jariNa!

2 PATTOTTORANG 6:3

Le'baki appala' doang, nagilimmi kalenna karaenga mae ri sikontu ra'yaka niaka ammenteng anjoreng, nampa napappalakkang barakka'Na Allata'ala ke'nanga.

YOSUA 22:6

Nampa napassareang barakka'na Yosua siagang nalappassang ke'nanga ammotere' mange ri daerana ke'nanga. Napasangi ke'nanga angkana, “Kamma-kamma anne kalumanynyang mako; angngerang mako ammotere' jai olo'-olo', pera', bulaeng, tambaga, bassi siagang pakeang. Bage-bage tongi anjo barang-barang nurampasaka lalang bundu' mange ri sikamma julu sukunu maraenga.” Jari nabokoimi suku Ruben, Gad siagang suku Manasye bageang irayaya anjo paranna tu Israel maraenga, nampa a'lampa battu ri Silo ri Kanaan mange ri butta kalenna ke'nanga ri daera Gilead. Napammantangngimi ke'nanga anjo buttaya situru' parentaNa Batara tete ri Musa. (Anjo bageruanna suku Manasye le'ba'mi natarima battu ri Musa butta niaka irayanganna Binanga Yordan, siagang bageruanna suku Manasye maraenga natarimai battu ri Yosua butta niaka ilaukanna Binanga Yordan sangkamma suku-suku maraenga.)

PA'JARIANG 14:19

nampa nabarakkaki Abram nakana, “Poro Allata'ala Kaminang Tinggia, ampa'jariai langika siagang buttaya, ambarakkakiko Abram!

PA'JARIANG 1:31

Naciniki ngasemmi Allata'ala sikontu anjo apa le'baka Napa'jari, siagang sannang sikalimi nyawaNa. Allalomi bangngia siagang battumi bari'basaka. Iaminjo allo makaannanga.

PAMMUJI 19:11

Lompoangangi anggaranna HukkunNa Batara na bulaeng ti'no', te'neangangi naje'ne' bani tenaya bengkoro'na.

NEHEMIA 11:2

Battu ri sikamma ke'nanga nia'mo rella kalenna untu' ammantang tuli ri Yerusalem, na nipujimo ke'nanga ri ra'yaka.

1 PATTOTTORANG 16:2

Le'baki napassareang Daud anjo sikamma koro'banga, nabarakkakimi ra'yaka lalang arenNa Batara,

KALAPPASSANG 40:25

nampa naparinra anjo lampu-lampua ri dallekanNa Batara.

KALAPPASSANG 39:42

Le'ba'mi nagaukang tu Israel sikontu jama-jamanga anjo, situru' parentaNa Batara mae ri Musa.

KALAPPASSANG 40:1

Nakanamo Batara ri Musa,

YEREMIA 13:5

Jari situru' parentaNa Batara, a'lampama' nampa kucokko anjo lipa' bodoa ri ampi'na Binanga Efrat.

KALAPPASSANG 7:6

Nagaukammi Musa siagang Harun anjo apa Naparentakanga Batara.

KALAPPASSANG 12:28

Nampa a'lampa ke'nanga siagang nagaukang anjo apa Naparentakanga Batara mae ri Musa siagang Harun.

KALAPPASSANG 25:9

Anjo kemaya siagang pakkakasa'na musti napareki ke'nanga situru' rancana le'baka Kupicinikiangko.”

KAIMANGNGANG 16:34

Anjo upacaraya musti nigaukangi sikali sitaung untu' ampakatangkasaki bansa Israel battu ri sikontu dosana ke'nanga. Iaminjo paratorang-paratorang mustia nituruki sa'genna satunggu-tungguna. Nagaukammi Musa situru' anjo apa Naparentakanga Batara mae ri ia.

1 KARAENG-KARAENG 6:38

Na lalang bulang Bul, iamintu bulang makasagantuju, lalang taung makasampulo asse're ri pamarentahanna Salomo, le'ba'mi nabangung Salomo anjo Balla'Na Batara, coco' sikali siagang apa le'baka nirancana. Tuju taungi wattu nipake untu' ambangungi anjo ballaka.

1 KARAENG-KARAENG 8:55

siagang akkio' lompomi nappappalakkang barakka'Na Allata'ala untu' sikontu tau a'rappunganga anjoreng, nakana,