KALAPPASSANG 36:10 - KITTA' MATANGKASA'

¹⁰ Limam polong kaeng dipasisambungi a'jari se're layara', na limam polong maraengannaya nipakamma tongi anjo.

KALAPPASSANG 36:10 Referans Kwoze

FILIPI 3:15

Ikatte, tau toayamo ri katallassang rohania, musti nigaukangi kammaya anjo. Mingka punna nia' ri kau maraeng panggappana, KalenNa Allata'ala lampakasingaraki pole mae ri kau.

FILIPI 2:2

Jari attojeng-tojeng mako ampakasannangi pa'maikku lalang ri anne passalaka, iamintu: A'julu atiko ilalang se're pangngamaseang, ilalang se're pikkirang, siagang se're pattujuang.

EFESUS 1:23

Anjo jama'aka sanrapangi TubuNa Almasi; Iami lampassukkuki baji'na sikontu apa-apa niaka ri kere-keremae.

1 KORINTUS 12:27

Ikau ngasemmi antu sanrapang tubuNa Almasi siagang ikau ngaseng tommi antu sanrapang anggota-anggotana anjo tubua.

1 KORINTUS 12:20

Jari jai memangi anggota, mingka se'reji tubu.

1 KORINTUS 1:10

Sikamma sari'battangku! Kupalaki, lalang arenNa Batarata Isa Almasi, sollannu a'julu kana; sollanna tena nanusisa'la'-sa'la'. Paralluko a'jari se're, a'julu ati siagang a'julu pikkirang.

LAMPA-LAMPANA 2:1

Ri wattunna narapi'mo allo Pentakosta, a'rappungang ngasemmi sikamma tau tappaka ri se'reang tampa'.

ZEFANYA 3:9

Mingka sallang laKupinrai atinna anjo bansa-bansaya, sa'genna appala' doang ke'nanga mae ri Nakke bawang, siagang tena nappala' doang mae ri rewata-rewata maraenga. Sikontu anjo bansa-bansaya lamannuruki mae ri Nakke.

PAMMUJI 133:1

Kelong siara battu ri Daud. Tamaka baji'na siagang sannanna, punna assiama' tallasa'na umma'Na Allata'ala!

PAMMUJI 122:3

Yerusalem nibangung a'jari kota bajiki nisusunna siagang ga'gai.

KALAPPASSANG 26:3

Limam polong kaeng musti nisambungi a'jari se're layara', limam polong pole nipare' kamma tongi anjo,

KALAPPASSANG 36:9

Tassipolong-polonga sangkamma ngasengi ukkuranna; la'buna sampulo anrua metere', na sangkara'na rua metere'.

KALAPPASSANG 36:11

Ri birinna anjo ruaya layara' nipapparekangi pa'gentungang battu ri kaeng gau',