Biblia Todo Logo
Bib sou entènèt

- Piblisite -




KALAPPASSANG 35:21 - KITTA' MATANGKASA'

21 siagang inai-nai ta'gio' nyawana untu' assare, massing mangemi angngerangi passarena ri Batara untu' ampa'gannaki apa niparalluanga ri KemaNa Batara. Naerang tommi ke'nanga sikontu apa niparalluanga untu' ibada siagang bahang untu' pakeanna imanga.

Gade chapit la Kopi




KALAPPASSANG 35:21
28 Referans Kwoze  

“Suroi tu Israel angngerang passare mae ri Nakke. Inai-nai ta'gio' atinna, musti angngerangi passare


Inakke siagang anne ra'yakku sikontutojenna tena pakkullena assare apa-apa mae ri Katte, lanri yangasenna passareTa tonji. Na anne apa napassareanga ikambe iKatte tonji pata.


Sikontu tu Israelka massing naerammi passarena ke'nanga siagang ati maci'nonna mae ri Batara untu' jama-jamang Naparentakanga Batara tete ri Musa.


Appare' tommi ke'nanga bannang battu ri bulu bembe.


Erangi passarenu mae ri Batara. Inai nipagio' atinna, musti assarei bulaeng, pera', siagang tambaga;


Nakio'mi Musa anjo Bezaleel, Aholiab siagang sikontu tau anggappaya kacara'dekang battu ri Batara siagang eroka ambantu, nampa nasuro ke'nanga ampakaramulai anjo jamanga.


Inai-nai ero', baji' bura'ne yareka baine, battui angngerang paniti belo-belo, anting-anting, cincing, rante, siagang sangka' rupa belo-belo bulaeng untu' nipassareang mae ri Batara.


Parallui taua massing assare siagang te'ne pa'mai'na. Teako assarei siagang bata-bata yareka battala' pa'mai'. Nasaba' nikarimangngi ri Allata'ala tau te'nea pa'mai'na assare.


Punna rellako assare, ma'nassa laNatarimai Allata'ala anjo passarenu. Lanatarimai situru' pakkullenu, tena nasituru' apa tenaya ri kau.


Ikau tau ja'dala' ngasengko! Antekammako lakkulle ampaui kabajikanga punna tau ja'dalakko? Apa nupau iamintu bonena lalang atinnu, assulu' battu ri bawanu!


Karaeng ammarentaya ri kau tau battu tonji ri bansanu. Bebasaki ke'nanga a'reppese' ri Nakke punna Kukio' andallekang ri Nakke. Nasaba' inaika barani andallekang ri Nakke ri ero' kalenna? La'jariko ummakKu siagang iNakke a'jari Allata'alanu. INakke, Batara, akkana kamma anjo.”


Katutui bajiki atinnu, nasaba' atinnu ampattantui oloang tallasa'nu.


Ri allo battunu siagang koasa, ri bulu' matangkasa' ra'ya'nu maju siagang pa'mai' rella. Sanrapang saliu' ri bari'basaka, sikamma tau rungkaya battu mae ri kau.


Nampa nakanamo Ezra, “Pujimi Batara, Allata'ala nisombaya ri boe-boena ikambe! Napa'gilimmi atinna karaenga, sa'genna ero' amparhatikangi Balla'Na Batara ri Yerusalem.


Ra'yaka rella tommi atinna assare ri Batara siagang rannumi pa'mai'na ke'nanga lanri jaina apa akkulle napassareang ke'nanga. Sanna' tommi rannuna pa'mai'na Karaeng Daud.


Ba'lalo lanri mangngaiku mae ri anjo Balla'Na Allata'alaku, kupassareang tommi perakku siagang bulaengku, iamintu barang-barang kalengku:


Nampa nakana Daud mae ri Salomo, “Anakku, parallui nuakui Allata'ala nasombaya manggenu, salaku Allata'alanu. Musti anynyombako mae ri Ia situlusu'na atinnu. Nasaba' Naasseng ngasengi sikontu pikkiranta siagang apa nakaerokia atinta. Punna nuboyai, lanubuntuluki, mingka punna nubokoi, laNasorongbokoko sa'genna satunggu-tungguna.


Ammentemmi Daud ri dallekanna ke'nanga nampa nakana, “Sikamma sari'battang julu bansaku, pilangngeri anne kanangku! Salloma' ero' ambangung se're balla' attantu untu' Patti Parjanjiang, pattuppuang bangkenNa Karaeng Allata'alata. Le'ba'ma' appare' parsadiaang untu' ambangung se're balla' untu' a'jari tampa' anynyomba mae ri Ia.


O, Batara Kaminang Koasaya! Kupa'baraniangi kalengku ampanaiki anne pappala' doangku mae ri Katte, lanri iKatte KalenTa le'ba' ampauanga' angkanaya ana' cucungku situlusu'na laKipa'jari karaeng mae ri anne bansaya.


Debora ammentemmako nai', numakkelong-kelong. Barak, ammentengmako nai', nanuerang sikamma musu nitahanga!


Ri sikamma panglimana Israel, ia arrellakangai kalenna, kuparapiki pappakala'birikku sitojeng-tojennaya. Pujimi Batara!


Pilangngerimi ikau karaenga siagang ana' karaenga kumakkelong ri Batara, Allata'alana tu Israel.


Nampa bubara'mo anjo sikontu bansa Israel a'rappunganga,


Sikamma tau niaka paramatana napassareammi mae ri Yehiel untu' nipantama' ri pammolikang barang-baranga untu' Balla'Na Batara. (Yehiel iami sitau tu Lewi battu ri bijanna Gerson).


Ri wattunna battu sikamma anjo tunipelaka mange ri Balla'Na Batara ri Yerusalem, siapa are pamimping golongang assare passare untu' ambangungi ammotere' Balla'Na Batara.


Swiv nou:

Piblisite


Piblisite