KALAPPASSANG 34:4 - KITTA' MATANGKASA'

⁴ Nampa appare'mo pole Musa ruang la'ba' batu nipa'. Ammukona ri bari'basa' dudua naerammi nai' ri Moncong Sinai situru' apa Naparentakanga Batara mae ri ia.

KALAPPASSANG 34:4 Referans Kwoze

KALAPPASSANG 34:1

Nampa Nakanamo Batara ri Musa, “Apparekko ruang la'ba' batu nipa' sangkamma rioloa. LaKutulisiki ri anjo batua kana-kana sangkammaya kana-kana niaka tattulisi' ri anjo batu le'baka nureppe'.

PAOLE 10:3

Jari appare'ma' patti battu ri kayu akasia siagang angngallema' ruang la'ba' batu nampa kupa' sangkamma riolo, nampa kuerang nai' ri monconga.

KALAPPASSANG 19:3

siagang nai'mi Musa ri anjo monconga untu' assibuntulu' siagang Allata'ala. A'bicarami Batara mae ri Musa battu ri anjo monconga siagang Nasuromi ampa'la'bangi napau mae ri tu Israel, jari-jarina Yakub, angkana,

KALAPPASSANG 19:20

Naungi Batara ri coppo'na Moncong Sinai, siagang Nakio'mi Musa sollanna nai' ri coppo'na anjo monconga. Jari angngambi'mi Musa,

KALAPPASSANG 32:16

KalenNa Allata'ala ampareki anjo batua siagang angngukiriki lalang sikamma parentaNa.

PAOLE 10:1

“Nampa Nakana Batara mae ri nakke, ‘Musa, angngalleko ruang la'ba' batu nampa nupakamma riolo, siagang appare' tongko se're patti untu' pammantangnganna, nampa battuko mae ri Nakke irate ri coppo'na monconga.