KALAPPASSANG 34:35 - KITTA' MATANGKASA'

³⁵ accayami nacini' ke'nanga rupanna Musa. Jari nabombo'mi pole rupanna sa'genna narapi' wattunna a'bicara pole siagang Batara.

KALAPPASSANG 34:35 Referans Kwoze

FILIPI 2:15

Lanri kammanami anjo nanupappicinikammo angkanaya ma'nassa ana'-ana'Nako Allata'ala tenaya callanna, lambusuka siagang annabaya batena attallasa' ri tangnga-tangngana tau ja'dalaka siagang dorakaya. Siagang ri wattunna nupabattu mae ri ke'nanga anjo biritta katallassanga, paralluko a'jari sanrapang singara' mae ri ke'nanga, ansioriai linoa. Punna kamma anjo batenu attallasa', nia'mo sallang alasangku langkalompoang pa'maikko, ri wattunna battu poleang ammotere' Isa Almasi. Iaminjo buttina angkanaya tena nasia-sia usahaku, passangalinna nia'ja wassele'na.

YOHANES 5:35

Anjo Yohanes, sanrapangi lampu a'rinraya siagang tassioroka cayana. Untu' sinampekang, nungai antarimai anjo cayana.

MATIUS 13:43

Na sikontu tau anggaukangai ero'Na Allata'ala laccayami sanrapang mataalloa lalang ri Lino BeruNa Allata'ala, a'jaria Manggena ke'nanga. Jari, punna nia' tolinnu, pilangngerimi baji'-baji'!”

MATIUS 5:16

Kamma todong minjo alarapanna singara'nu, parallui accaya ri dallekanna tau jaia; sollanna nacini' gau' baji'nu, na napakala'biri' Allata'ala Manggenu niaka ri suruga.”

DANIEL 12:3

Sikamma pamimping cara'deka laccayai sangkamma cayana langika. Siagang sikamma tau le'baka angngajara' tau jai untu' anggaukangi apa bajika siagang adeleka, laccayai sangkamma bintoenga untu' satunggu-tungguna.”

KATO'BA 8:1

Tamaka sannanna tau cara'deka. Naassengi pialinna sikamma parkaraya. Kacara'dekanga ampa'jari rannui siagang ta'muri, sa'genna tuli accaya rupanna.

2 KORINTUS 3:13

Ikambe tena kisangkamma Musa antongkokai rupanna sollanna takkullea nacini' bansa Israel ri wattunna mate siagang lanynya' anjo cayaNa Batara ri rupanna.

KALAPPASSANG 35:1

Napasse'remi Musa sikontu bansa Israel nampa nakana mae ri ke'nanga, “Iaminne parentaNa Batara mae ri kau ngaseng: