KALAPPASSANG 34:30 - KITTA' MATANGKASA'

³⁰ Harun siagang sikontu ra'yaka naciniki angkanaya accayai rupanna Musa, siagang malla'mi ke'nanga anreppesi Musa.

KALAPPASSANG 34:30 Referans Kwoze

MARKUS 9:3

PakeanNa a'jari sanna'mi kebo'na. Tena manna sitau tukang minatu ri lino akkulle assassa kamma anjo kebo'na.

LUKAS 5:8

Ri wattunna nacini' Simon anjo kajarianga, su'ju'mi ri dallekanNa Isa. Nampa nakana, “Bokoima' Batara! Nasaba' inakke anne tau doraka'!”

MARKUS 9:15

Nacini'na taua nia' battu Isa, takkalannasa'mi ke'nanga, nampa lari-lari mange anruppai.

PAMMILANGNGANG 12:8

Siagang iNakke a'bicarA' sidallekang siagang ia, a'nyatai siagang tena nasangkamma boto-botoang. Ba'lalo manna rupangKu le'ba'mi nacini'! Angngapa nubarani angngewai Musa, anjo atangKu?”

2 KORINTUS 3:7

Ri wattunna nipare' siagang niukiri' anjo parjanjiang angngeranga kamateang ri batua, accayami singara' kalompoanNa Allata'ala ri rupanna Musa. Teai sipato' accayana anjo singaraka, sa'genna takkulleai bansa Israelka anciniki rupanna Musa; manna pole nappakkaramulamo a'jari kurang accaya ammotere' rupanna Musa anjo wattua. Jari, punna kamma anjo lompona singaraka nipake ampareki anjo parjanjiang appamatea,

KALAPPASSANG 34:31

Mingka nakio'mi Musa ke'nanga. Jari battumi Harun siagang sikamma pamimpinna ke'nanga anreppesi, nampa a'bicaramo Musa mae ri ke'nanga.

KATO'BA 8:1

Tamaka sannanna tau cara'deka. Naassengi pialinna sikamma parkaraya. Kacara'dekanga ampa'jari rannui siagang ta'muri, sa'genna tuli accaya rupanna.