KALAPPASSANG 34:3 - KITTA' MATANGKASA'

³ Tena manna sitau akkulle amminawang ri kau yareka nia' mange anjoreng ri anjo monconga. Sikamma sapia siagang gimbalaka teako lappassangngi a'ruku' ri bangkenna anjo monconga.”

KALAPPASSANG 34:3 Referans Kwoze

KALAPPASSANG 19:21

nampa Nakanamo Batara ri ia, “Naungko nampa nupakainga' ngaseng anjo taua angkanaya takkulleai ke'nanga allaloi anjo pa'baeng-baenga untu' battu mae ancinikKa'. Punna nadakkai ke'nanga anne parentaya, jai ri ke'nanga lamate.

IBRANI 12:20

Mingka tanatahangai ke'nanga allangngereki anjo parenta napabattua anjo sa'raya. Nasaba' nakana anjo sa'raya, “Sikamma tau anseroai anne buluka, baji' naolo'-olo', yareka manna pole inai, musti nisambilai batu sa'genna mate.”

1 TIMOTIUS 2:5

Nasaba' se'reji bawang Allata'ala, kammayatompa se're tonji bawang akkullea a'jari tetena rupataua mae ri Allata'ala, iamintu Isa Almasi.

KAIMANGNGANG 16:17

Appakkaramula anjo wattua nantama' Harun ri Kamara' Kaminang Matangkasaka untu' anggaukangi upacara pannangkasia; sa'genna assulu' poleang, takkulleai manna sitau nia' lalang ri anjo Kemaya. Le'baki nagaukang upacaraya untu' kalenna, untu' kaluargana siagang untu' sikontu bansa Israel,