KALAPPASSANG 34:28 - KITTA' MATANGKASA'

²⁸ Patampulo allo patampulo bangngi ammantang Musa anjoreng siagang Batara; na lalanna anjo wattua tena nangnganre siagang tena nangnginung. Anjo kana-kana parjanjianga, iamintu Sampulo ParentaNa Allata'ala, nitulisiki ri anjo batua.

KALAPPASSANG 34:28 Referans Kwoze

KALAPPASSANG 34:1

Nampa Nakanamo Batara ri Musa, “Apparekko ruang la'ba' batu nipa' sangkamma rioloa. LaKutulisiki ri anjo batua kana-kana sangkammaya kana-kana niaka tattulisi' ri anjo batu le'baka nureppe'.

PAOLE 4:13

Anjoreng Napaumi mae ri kau apa mustia nugaukang untu' anrupai parjanjiang Napareka siagang ikau ngaseng. Anjo Sampuloa Parenta le'baka Natulisi' ri ruaya batu tulisi' musti nugaukangi.

KALAPPASSANG 24:18

Napatulusu'mi Musa angngambi' sa'genna antama' ri anjo rammanga. Patampulo allo patampulo bangngi ammantang Musa anjoreng.

PAOLE 9:25

Kuassengi angkanaya ero' tojeng-tojengi Batara angngancurukko. Jari su'ju'ma' ri dallekanNa Batara patampulo allo patampulo bangngi,

PAOLE 9:18

Nampa su'ju'ma' pole sikalipi ri dallekanNa Batara irate ri coppo'na monconga patampulo allo siagang patampulo bangngi, tamangnganre tangnginung. Nakugaukang anjo kammaya lanri doraka mako mae ri Batara nasaba' nugaukannamo apa ja'dalaka ri dallekanNa, sa'genna a'jari larro.

KALAPPASSANG 32:16

KalenNa Allata'ala ampareki anjo batua siagang angngukiriki lalang sikamma parentaNa.

KALAPPASSANG 31:18

Le'baki a'bicara siagang Musa irate ri Moncong Sinai, Napassareammi Allata'ala anjo ruaya batu le'baka Napannulisi Allata'ala siagang sikamma parentaNa.

2 KORINTUS 3:7

Ri wattunna nipare' siagang niukiri' anjo parjanjiang angngeranga kamateang ri batua, accayami singara' kalompoanNa Allata'ala ri rupanna Musa. Teai sipato' accayana anjo singaraka, sa'genna takkulleai bansa Israelka anciniki rupanna Musa; manna pole nappakkaramulamo a'jari kurang accaya ammotere' rupanna Musa anjo wattua. Jari, punna kamma anjo lompona singaraka nipake ampareki anjo parjanjiang appamatea,

PAOLE 9:9

Angngambikka' nai' ri anjo buluka untu' annarima batu parjanjiang Napareka Batara siagang ikau. Patampulo allo siagang patampulo bangngia' ammantang irate ri anjo monconga tangnganre tangnginung.

MATIUS 4:2

Patampulo allo patampulo bangngi tamangnganrea Isa, sa'genna cipuru'mi.

LUKAS 4:2

Ammantammi anjoreng patampulo allo sallona, niso'ri ri Billisika. Patampulo alloi tamangnganrea apa-apa. Sa'genna cipuru'mi Nakasia'.

KALAPPASSANG 34:10

Nakana Batara ri Musa, “Kamma-kamma anne apparekKa' parjanjiang siagang bansa Israel. LapparekKa' gau' appakalannasa' ri dallekang matanna ke'nanga, ia tenayapa nale'ba' nigaukang ri alla'na bansaya ri lino. Sikontu bansaya lanacini' ngasengi sikamma anjo gau' appakalannasa' Kugaukanga, lanri iNakke, Batara, lappa'jariA' se'reang gau' malompo untu' ikau ngaseng.

PAOLE 10:10

“Patampulo allo patampulo bangngia' ammantang irate ri monconga sangkamma kugaukanga riolo. Sikalipi pole Napilangngeri Batara pappalakku, siagang situjumi angkanaya tena naNaancurukko.

1 KARAENG-KARAENG 19:8

Ambangummi Elia, nampa angnganre siagang angnginung. A'jari gassimmi nasa'ring, siagang akkullemi a'jappa patampulo allo sallona mange ri Moncong Sinai, tampa'na le'ba' ampa'nyatai KalenNa Allata'ala.

PAOLE 10:5

Nampa naumma' ammotere' battu ri monconga. Nampa situru' parentaNa Batara, kupantama'mi anjo ruaya batu ri patti le'baka kupare'. Nappakkaramula anjo wattua sa'genna kamma-kamma anne anjo ruaya batu niaka tulisanna tuli nia'na anjoreng.” (