KALAPPASSANG 34:26 - KITTA' MATANGKASA'

²⁶ Tunggala' taung musti angngerangko mae ri Balla'Na Karaeng Allata'alanu iamintu wassele' bungasa'na buttanu. Dageng gimbalaka yareka dageng ana' bembea takkulleai nipallu siagang je'ne' susunna anronna.”

KALAPPASSANG 34:26 Referans Kwoze

KALAPPASSANG 23:19

Tunggala' taung musti angngerangko mae ri Balla'Na Karaeng Allata'alanu gandunnu uru nukattoa. Dagenna ana' gimbalaka yareka ana' bembea takkulleai nipasipallu siagang dadi'na anronna.”

PAOLE 14:21

Olo'-olo' mate kale-kalea takkulleai nukanre, mingka akkullei nakanre bansa maraeng niaka ammantang ri alla'nu, yareka akkullei nibalukang mae ri bansa maraenga. Ikau umma'Nako Karaeng Allata'alanu, le'baka nisa'la' untu' KalenNa. Dagenna ana' gimbalaka yareka ana' bembea takkulleai nipasipallu siagang je'ne' susunna anronna.”

PAOLE 26:2

musti massing nupantamaki bageang uru-uru panggappannu battu ri pakkattoanga ri se'reang baku', nampa nuerang mange ri tampa' ibada le'baka nitantukang.

1 KORINTUS 15:20

Mingka a'buttimi angkanaya ma'nassa le'ba'mi nipattallasa' poleang Almasi battu ri kamateanga. Iaminne a'jari pammatei ma'nassa lanipattallasa' poleangi ammotere' tau matea.

MATIUS 6:33

Jari, boyami la'bi riolo antekamma nasollanna Allata'ala ammarenta lalang ri katallassannu, siagang nanugaukang ero'Na. Na sikontu anjo kaparalluannu maraenganga laNasare tonjako Allata'ala.

PAOLE 26:10

Lanri kammana, o, Batara, kupassareangi anrinni bageang uru-uruna wassele' kattoang kugappaya, mae ri Katte.’ Kammaminjo caranu ampassareangi anjo bakuka mae ri Karaeng Allata'alanu. Le'baki anjo, anynyomba mako mae ri Ia siagang

YAKOBUS 1:18

Lanri ero' KalenNa na Napa'jariki' ana'-ana'na tete ri kana matojenNa. Nagaukammi anjo kammaya sollanta anggappa tampa' lomoro' se're ri tangnga-tangngana sikontu apa-apa attallasa' le'baka Napa'jari.

KAIMANGNGANG 23:14

Ri wattu tenanapa nuerangi anjo passarea mae ri Batara, takkulleai nukanre anjo gandung berua manna pole sike'de', baji namataya, kammayatompa nilanggaya yareka nitunua nipa'jari roti. Anne paratoranga musti nituruki ri sikontu jari-jarinu sa'genna satunggu-tungguna.

PAMMILANGNGANG 15:20

Punna attunuko roti battu ri gandung uru-uru nukattoa, anjo rotia musti nupassareangi a'jari koro'bang nisa'la' mae ri Batara. Carana ampassareangi sangkamma tonji carana ampassareangi gandung uru nugilinga.

PAMMILANGNGANG 18:13

Yangasenna anjo kammaya untu' ikau. Tunggala' anggota kaluarganu tenaya nara'masa' akkullei nakanre.

NEHEMIA 10:35

Taung-taungi ikambe langngerang mange ri Balla'Na Batara ri Yerusalem iamintu gandung wassele' uru-urua siagang rappo-rappoang uru ti'noka ri poko' lamung-lamunna ikambe.