KALAPPASSANG 34:25 - KITTA' MATANGKASA'

²⁵ Ri wattunnu assare koro'bang olo'-olo' polongang, teako assarei apa-apa ammakea pa'gambang. Olo'-olo' nipolonga untu' koro'bang ri passua'-suarrang Paska musti nipila'busi memangi anjo bangngia; takkulleai nia' tassesa sa'genna ammuko.

KALAPPASSANG 34:25 Referans Kwoze

KALAPPASSANG 23:18

Teako assarei roti ammakea pa'gambang ri wattunnu assare koro'bang olo'-olo' mae ri Nakke. Jannana anjo olo'-olo' nikoro'bangkanga mae ri Nakke lalang nigaukanna anjo sikamma passua'-suarranga takkulleai nuboli' sa'genna ammuko bari'basa'.

KALAPPASSANG 12:10

Teako niakki nuboli' manna pole sike'de' anjo dagenga sa'genna bari'basa'; punna nia' sesanna, musti nitunui sa'genna la'busu'.

PAOLE 16:3

Anjo passare Paskaya musti nupasikanrei siagang roti tenaya nammake pa'gambang. Tuju alloko musti angnganre roti tenaya nammake pa'gambang, sangkamma ri wattu nubokoina butta Mesir siagang akkaro-karo. Kanremi anjo rotia, iamintu roti niarenga roti kasessang, sollanna tuli nuu'ranginna anjo alloa lalang sikontu tallasa'nu, iamintu ri wattunna nubokoi Mesir, tampa' nupammantangngia angkasiaki sessaya.

PAMMILANGNGANG 9:12

Teako nia' nusesa anjo kanrea sa'genna ammuko bari'basa', siagang teako tepoki bukunna manna pole sipappa' anjo olo'-olo' nipassareanga mae ri Nakke. Pakalompoi anjo allo Paskaya situru' siagang sikontu paratoranga.

KAIMANGNGANG 7:15

Dagenna musti nikanre memang ri allo nipassareanna anjo olo'-oloka, manna sike'de' takkulleai niboli' sa'genna ammuko bari'basa'.

KALAPPASSANG 29:34

Punna ammukona bari'basa' anjo dagenga yareka anjo rotia tassesa iji, anjo sesana musti nitunui sa'genna la'busu', siagang takkulleai nikanre lanri le'ba'mi nisa'la'.

KALAPPASSANG 12:8

Anjo memang bangngia musti nulanggai dagenna nampa nupasikanre siagang gangang pai' siagang roti tenaya nammake pa'gambang.

MATIUS 13:33

Nia' pole se're pangngebarang maraeng Nacarita Isa mae ri anjo tau jaia. Nakana, “Punna ammarenta Allata'ala, sanrapangi pa'gambang niallea ri sitau baine, nampa napasileo' siagang patampulo litere' labu'. Sa'genna pila' a'bakka' jaina anjo labuka!”

KAIMANGNGANG 2:11

Koro'bang nipatalaya mae ri Batara takkulleai nipa'bengkoro' siagang bani yareka pa'gambang, lanri anjo je'ne' bania siagang pa'gambanga takkulleai nitunu untu' a'jari passare mae ri Batara.

PAOLE 16:4

Lalanna anjo tujua allo, ri sikontu pa'rasangannu tena manna sitau akkulle ammoli' pa'gambang ri balla'na. Dageng olo'-olo' nipolonga ri bangnginna allo makase'rea musti nikanrei sa'genna la'busu' anjo memang bangngia.