KALAPPASSANG 34:17 - KITTA' MATANGKASA'

¹⁷ Teako appareki siagang anynyombai ri rewata-rewata de'dekanga.

KALAPPASSANG 34:17 Referans Kwoze

KAIMANGNGANG 19:4

Teako anynyombai barhala. Teako appareki patung battu ri bassi-bassiang nampa nusomba. INakke Karaeng Allata'alanu.

KALAPPASSANG 32:8

Ammengkami ke'nanga battu ri parenta-parentaKu. Appareki ke'nanga patung sapi bulaeng, nampa nasomba siagang nasare passare koro'bang. Nakana ke'nanga, iaminjo rewata angngerangai ke'nanga assulu' battu ri Mesir.

LAMPA-LAMPANA 19:26

Na kamma-kamma anne massing nucini'mi siagang massing nulangngere'mi, apa nagaukanga anjo Paulus. Napaui angkana anjo rewata-rewata napareka rupataua tena sikali nakkulle nikana rewata. Najaimo tau akkulle a'jari tappa' ri anjo pangngajaranna; tena na ri Efesus bawang mingka a'birimmi a'la'bang todong ri sikontu daera Asia.

LAMPA-LAMPANA 17:29

Jari, lanri ana'-ana'Naki' Allata'ala, takkulleaki' ampasangkammai Allata'ala siagang patung bulaeng nipareka, yareka pera', yareka batu nipareka situru' kacara'dekanna rupataua.

YEREMIA 10:14

Nacini'na ngaseng anjo sikammaya sadara'mi rupataua, angkanaya ia dongoki siagang tena pammahanna. Sikamma panre bulaenga siri'-siri' ngaseng, nasaba' anjo patung barhala bate pare'na anu palusu' siagang tena na'nyawa.

KALAPPASSANG 20:4

Teako papparekkangi kalennu patung sanrapanga apa-apa niaka ri langi', ri butta, yareka lalang ri je'ne' irawanganna buttaya.

KALAPPASSANG 20:23

Teako papparekangngi untu' kalennu patung-patung pera' yareka bulaeng untu' nupakalompo pantaranganna iNakke.

PAOLE 5:8

Teako appareki patung sangkammaya apa-apa ri langika, ri buttaya yareka lalang ri je'neka irawanganna buttaya.

PAOLE 27:15

Tu Lewi: ‘Nitunrai tau appareka patung battu ri batu, kayu yareka bassi-bassiang, nampa nasomba accokko-cokko; Nakabirisi Batara panynyombanga ri barhala!’ Sikontu ra'yaka: ‘Aming’!

HAKING-HAKING 17:3

Napoterammi Mikha anjo doeka mae ri amma'na. Na nakanamo amma'na, “Sollanna nuta'lappasa battu ri anjo tunra kupaua na', kupassareammi anne peraka mae ri Batara untu' nipake appare' patung kayu, nilapisika pera'. Jari kupoterangi anne doeka mae ri kau.”

1 KARAENG-KARAENG 14:9

Mingka ikau nugaukangi kaja'dallang la'bi lompoanganga naapa nagaukanga sikamma tau le'baka ammarenta rioloangnganna naikau. Ikau nubokoiA' siagang nupabattui larroKu lanri apparekko patung-patung battu ri bulaeng untu' nisomba.

2 PATTOTTORANG 28:2

Sangkammai karaeng Israel panggaukanna ri tallasa'na siagang nasuroi taua appare' patung Baal tambaga,

KALAPPASSANG 23:14

“Tunggala' taung musti pintallungko appare' passua'-suarrang untu' ampakalompoA'.