KALAPPASSANG 34:13 - KITTA' MATANGKASA'

¹³ Jari, tea' laloko gaukangi kammaya; mingka rumbangi sikamma tampa' pakkoro'bangnganna ke'nanga, ancuruki sikamma batu-batu karama'na ke'nanga, kammayatompa ta'bang ngasengi sikamma benteng-bentenna Asyera, iamintu barhalana ke'nanga.

KALAPPASSANG 34:13 Referans Kwoze

2 KARAENG-KARAENG 18:4

Naputtai tampa'-tampa' panynyombanga mae ri rewataya, siagang naruntungi tembo'-tembo' siagang patung-patung Dewi Asyera. Naancuru' tongi ulara' tambagaya bate pare'na Musa niarenga Nehustan. Nasaba', sa'genna anjo wattua tuli attunu iji dupa tu Israel untu' ampakalompoi anjo ulara' tambagaya.

KALAPPASSANG 23:24

Teako anynyombai ri sikamma patung-patung pa'la'langanna ke'nanga siagang teako palembai carana ke'nanga anggaukangi ibadana. Ancuru' ngasengi anjo sikamma patung-patung pa'la'langanna ke'nanga, siagang tepoki sikamma benteng-bentenna batu napakea ke'nanga untu' anggaukangi ibadana.

PAOLE 16:21

Punna apparekko tampa' pakkoro'bangngang untu' Karaeng Allata'alanu, teako ammoliki kayu patunna Rewata Asyera ri sa'rinna,

PAOLE 7:5

Lanri kammana anjo, rumbangi tampa'-tampa' pakkoro'bangnganna anjo bansa-bansaya, ancuru' ngasengi benteng-benteng batu nakanaya ke'nanga karamaki, ra'bai gamba'-gambara'na barhala Asyera, siagang tunui sikamma patung-patung barhala nasombaya ke'nanga.

2 PATTOTTORANG 31:1

Le'baki nagaukang ke'nanga anjo passua'-suarranga, a'lampami sikontu ra'yaka mange ri sikontu kota Yehuda, nampa naancuru' patung-patunna barhalaya, naruntung sikontu patung-patung le'baka nibangung untu' Dewi Asyera, siagang naputta tampa'-tampa' pakkoro'bangnganga siagang tampa'-tampa' panynyombanga mae ri barhalaya. Kamma tomminjo nagaukang ke'nanga ri tampa'-tampa' maraenga ri Yehuda siagang ri daera-daera Benyamin, Efraim, siagang Manasye. Le'baki anjo massing ammotere' ngasemmi ke'nanga mange ri massing kamponna.

2 KARAENG-KARAENG 23:14

Tembo'-tembo' rewata siagang patung Dewi Asyera niruntungi, nampa anjo butta le'ba' pammantanganna nibangung anjo tembo'-temboka siagang patung-patunga natambungi Yosia siagang buku-buku tau.

HAKING-HAKING 6:25

Anjo bangngia Nasaremi Batara parenta Gideon, angkanaya, “Angngalleko sapina manggenu, ia sapi kaminang bajika, umuru' tuju taunga. Rumbangi anjo tampa' pakkoro'bangngang napareka manggenu untu' barhala Baal. Nampa nurumbang todong benteng pammatei kalompoanna barhala Dewi Asyera, niaka ba'leanna anjo tampa' pakkoro'bangnganga.

HAKING-HAKING 2:2

Jari takkulleako appare' passikko' passijanjiang siagang tau niaka ammantang anrinni ri pa'rasanganga. Sikamma tampa' pakkoro'bangnganna ke'nanga musti nurumbangi'.’ Mingka tena nugaukangi anjo apa Kupassuroanga. Ba'lalo ta'bale'na nugaukanga!

HAKING-HAKING 6:26

Nampa nupaenteng irateanganna se're tampa' pakkoro'bangngang ia le'baka nirancana baji'. Nampa nutunu akkayu anjo sapi lakia, untu' a'jari koro'bang mae ri Batara. Anjo bentenna barhala Dewi Asyera le'baka nurumbang, nupare' kayu tunuang.”

1 KARAENG-KARAENG 14:15

laNahukkummi Batara tu Israel sa'genna sanrapang apa-apa ta'ronang-ronanga nianyukkang ri je'ne'. Lanipasuluki ra'ya' Israel ri Batara battu anrinni ri anne pa'rasangang bajika ia le'baka nipassareang ri boe-boena ke'nanga. Lanipatassia'-siaraki ke'nanga anta'leanna Binanga Efrat, lanri napabattuna ke'nanga larroNa Batara, iamintu lanri appare'na ke'nanga patung-patung rewata baine Asyera.

2 PATTOTTORANG 14:3

Napakabellai tampa'-tampa' pakkoro'bangnganna bansa maraenga siagang tampa'-tampa' panynyombanga mae ri barhalaya. Tembo'-tembo' patung rewataya naancuruki, siagang benteng-bentenna patung Dewi Asyera narumbangi.

2 PATTOTTORANG 15:16

Nampa napammari Karaeng Asa anjo toana niarenga Maakha battu ri jama-jamanna a'jari Amma' Karaeng lanri le'ba'na appare' patung barhala rantasaka untu' Asyera, dewi ri kacopponganga. Naruntungi siagang naancuru' tabasikali Asa anjo patunga nampa natunu anjoreng ri Lappara' Ka'bung Kidron.

2 PATTOTTORANG 17:6

Lompoi siagang terasaki pattujunna untu' anturuki parentaNa Batara siagang naancuruki sikontu tampa' panynyombanga mae ri barhalaya siagang patung-patunna Dewi Asyera ri Yehuda.

2 PATTOTTORANG 24:18

Jari tenamo nanynyomba ra'yaka ri Balla'Na Batara, Allata'alana boe-boena ke'nanga, mingka anynyombami ke'nanga ri barhala siagang patung-patunna Dewi Asyera. Lanri anjo dosana ke'nanga nalarromo Batara mae ri tu Yehuda siagang Yerusalem.

2 PATTOTTORANG 33:19

Lalang ri kitta' Pau-pauanna Na'bi-na'bia nia' tongi nicata' pappala' doanna Manasye siagang papialinNa Allata'ala mae ri anjo pappala'na, kammayatompa carita ri passala'na dosa-dosa nagaukanga lalang tenanapa natoba', tampa'-tampa' panynyombang barhala siagang patung-patung Dewi Asyera napareka, siagang barhala-barhala nasombaya.

YESAYA 17:8

Tenamo nalamanrannuang pole ke'nanga ri wassele' bate pare' kalenna ke'nanga, iamintu ri tampa'-tampa' pattunuang dupana, siagang patung-patunna rewata baine niarenga Asyera.

YESAYA 27:9

Mingka iapa nakkulle nipammopporang dosa-dosana Israel punna nigiling sikamma tampa' pakkoro'bangnganga mae ri rewata-rewataya sa'genna a'jari alusu' rapang pa'leo'. Sikamma pa'dupanga siagang pannanraina rewata baine niarenga Asyera musti niancuru' tongi.

YEREMIA 17:2

Sikamma taunnu assambayangi ri tampa'-tampa' pakkoro'bangnganga siagang benteng-benteng barhala le'baka nabangung untu' rewata niarenga Dewi Asyera ri tunggala' poko' kayu copponga, ri coppo'-coppo'na buluka,

MIKHA 5:14

Lalang allumpana larroKu laKubalasaki kaja'dallanna sikontu bansa tenaya namannuruki ri Nakke.”

PAMMILANGNGANG 33:52

musti nubongkai sikontu pandudu'na anjo pa'rasanganga. Ancuru' ngasengi sikontu barhalana ke'nanga battua ri batu siagang bassi-bassiang kammayatompa tampa'-tampa' ibadana ke'nanga.

PAOLE 16:22

siagang tea tongko appaentengi benteng untu' anynyomba mae ri rewata maraeng, lanri Nakabirisi Karaeng Allata'alanu anjo panggaukang kammaya.

2 KARAENG-KARAENG 10:27

Niancuru'mi anjo patunga siagang balla' panynyombanga, nampa nipare' anjo tampaka a'jari pammelakkang je'ne' sa'genna kamma-kamma anne.