KALAPPASSANG 34:12 - KITTA' MATANGKASA'

¹² Teako appareki parjanjiang siagang sikamma tau niaka anjoreng ri pa'rasangang nubattuia, nasaba' anjo kammaya akkullei a'jari sikko' angngerangako mae ri kamateanga.

KALAPPASSANG 34:12 Referans Kwoze

PAOLE 7:2

Punna Napassareang Karaeng Allata'alanu anjo bansa-bansaya antama ri kakoasannu siagang nubeta ke'nanga, buno ngasengi anjo ke'nanga. Teako kamaseangi ke'nanga siagang teako appareki parjanjiang siagang ke'nanga.

PAOLE 7:16

Sikamma bansa Napassareanga Karaeng Allata'alanu ri kakoasannu musti nuancuruki; teako kamaseangngi ke'nanga. Teako anynyombai ri rewata-rewatana ke'nanga, lanri anjo panggaukang kammaya napangngerangangko bala.

PAMMUJI 106:36

Nampa anynyomba ke'nanga ri barhala-barhalaya, na iaminjo saba' karuntunganna ke'nanga.

HAKING-HAKING 8:27

Iaminjo bulaenga napare' Gideon se're patung barhala. Nampa naboli' ri kamponna iamintu Ofra. Sikontu tu Israelka mange ngasemmi anjoreng anynyomba ri anjo patung barhalaya. Sa'genna tenamo najampangi Allata'ala, Batarana ke'nanga. Na iaminjo a'jari sanrapang sikko' mange ri Gideon siagang sikontu bija-bijanna.

PAOLE 20:18

Bunoi ke'nanga, sollanna tena napa'jariko ke'nanga doraka mae ri Karaeng Allata'alanu lanri naajara'nu anggaukangi panggaukang-panggaukang appakaringi'-ringika untu' rewata-rewatana ke'nanga.

1 KARAENG-KARAENG 11:2

Le'ba'mi Naparentakang Batara angkanaya takkulleai tu Israel assicampuru' a'bunting siagang anjo bansa-bansaya, nasaba' ke'nanga sallang a'jari passabakkang nanynyomba tu Israel mae ri rewata-rewata maraenganga. Mingka manna nakamma anjo, a'nikka tonjia Salomo siagang bai'-baine battu pantaraka.

2 KARAENG-KARAENG 17:10

Irate ri sikamma bontoa, siagang irawanganna sikamma poko' kayu lompoa, ambangungi ke'nanga tembo'-tembo' batu siagang patung-patung Dewi Asyera.

2 PATTOTTORANG 24:18

Jari tenamo nanynyomba ra'yaka ri Balla'Na Batara, Allata'alana boe-boena ke'nanga, mingka anynyombami ke'nanga ri barhala siagang patung-patunna Dewi Asyera. Lanri anjo dosana ke'nanga nalarromo Batara mae ri tu Yehuda siagang Yerusalem.

PAMMILANGNGANG 33:52

musti nubongkai sikontu pandudu'na anjo pa'rasanganga. Ancuru' ngasengi sikontu barhalana ke'nanga battua ri batu siagang bassi-bassiang kammayatompa tampa'-tampa' ibadana ke'nanga.

PAOLE 31:5

LaNasareko pammetang Batara mae ri ke'nanga, nampa musti nupareki ke'nanga sangkamma apa kupaua mae ri kau.

YOSUA 9:7

Mingka nakana ngasemmo tu Israel, “Untu' apa namusti appare' parjanjiang ikambe siagang ikau ngaseng? Gassingka ambaniji anrinni pammantangannu!”

HAKING-HAKING 6:10

Le'ba' mako Kupauang angkana iNakkemi Karaeng Allata'alanu. Siagang takukellako anynyomba ri rewata-rewatana bansa Amori, nupammantangia pa'rasanganna kamma-kamma anne. Mingka tena nuturuki parentaKu.’ ”