KALAPPASSANG 34:11 - KITTA' MATANGKASA'

¹¹ Mannurukiko ri hukkung-hukkung Kupassareanga mae ri kau anne alloa. LaKubongkai a'lampa bansa Amori, Kanaan, Het, Feris, Hewi siagang Yebus ri wattunnu maju mae ri ke'nanga.

KALAPPASSANG 34:11 Referans Kwoze

KALAPPASSANG 33:2

Nia' sitau malaeka' laKusuro battu anrurungang ngasengko. LaKubongkai bansa Kanaan, Amori, Het, Feris, Hewi siagang Yebus.

KALAPPASSANG 3:17

Siagang le'ba'mi Kupattantu untu' angngerangi ke'nanga assulu' battu ri Mesir, tampa'na nijallakkang ke'nanga, siagang Kuantaraki ke'nanga mange ri se'reang pa'rasangang kalumanynyang siagang copponga buttana, iamintu pa'rasangang Kanaan, bansa Het, Amori, Feris, Hewi, siagang Yebus.

PAOLE 6:25

Punna tamamminraya nyawata anturuki sikontu apa Naparentakanga Karaeng Allata'alata mae ri katte, lamangngellai mae ri katte.’ ”

PAOLE 6:3

sikamma sari'battangku ngaseng; gaukangi anjo kammaya siagang pa'mai' tamamminranu, sollannu salewangang siagang a'jari bansa lompo ri pa'rasangang kalumanynyanga siagang copponga buttana, sangkamma Napa'janjianga Karaeng Allata'alana boe-boeta.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

YOHANES 14:21

Inai-nai antarimai sikamma parentaKu nampa nagaukang, iami angkamaseangA'. Inai-nai angkamaseangA', lanikamaseang tongi ri ManggeKu. LaKukamaseangi anjo taua, siagang laKupa'nyatai KalengKu mae ri ia.”

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

PAOLE 28:1

“Punna mannurukiko ri Karaeng Allata'alanu siagang tamamminrayai pa'mai'nu anggaukangi sikontu parenta kupassareanga mae ri kau anne alloa, laNapa'jariko Batara bansa masahoro' ri anne linoa.

PAOLE 12:32

Gaukang ngasengi sikontu apa kuparentakanga mae ri kau; teako tambai yareka teako kurangngi.

PAOLE 12:28

Parhatikang bajiki sikontu apa le'baka kuparentakang mae ri kau, nampa nugaukang apa bajika siagang Napangngellaia Karaeng Allata'alanu, sa'genna ikau siagang jari-jarinu salamakko siagang salewangangko sa'genna satunggu-tungguna.”

PAOLE 7:19

U'rangi sikamma bala lompo nucinika kalennu, gau'-gau' appakalannasa', siagang kakoasang lompo Napakea Karaeng Allata'alanu untu' allappassangko. Kamma tomminjo laNagaukanga Karaeng Allata'alanu mae ri sikontu bansa nukamallakkanga.

PAOLE 5:32

Sikamma sari'battangku, turuki siagang pa'mai' tamamminra sikontu apa Naparentakanga Karaeng Allata'alanu mae ri kau ngaseng. Teako dakkai manna se're sikamma anjo parentaya.

PAOLE 4:40

Turuki sikontu hukkung kupassareanga mae ri kau anne alloa, nampa ikau siagang jari-jarinu lasalewangangko siagang latuli attallasa' mako ri pa'rasangang Napassareanga Karaeng Allata'alanu a'jari pisakanu sa'genna satunggu-tungguna.”

KALAPPASSANG 23:28

LaKukaco ngasengi sikamma musunnu; bansa Hewi, Kanaan, siagang Het laKubongkai battu ri dallekannu sollannu akkulle maju.

PAOLE 33:27

Allata'ala latuli angngalleiko; limanNa mannannunganga a'jari pattumpa'nu. Nabongkai musua battu ri dallekannu, Nasuroko angngancuruki sikontu balia.

NEHEMIA 13:23

Anjo wattua nia' todong kucini' angkana jai tu Yahudi a'bunting siagang baine battua ri bansa Asdod, Amon, siagang Moab.

KALAPPASSANG 8:27

Musti a'lampai ikambe mange ri parang lompoa, kira-kira bellana tallungalloi nijappai battu anrinni. Anjorengi ikambe lassare koro'bang mae ri Karaeng Allata'alana ikambe, sangkamma niparentakanga mae ri kambe.”

YOSUA 23:5

Karaeng Allata'alanu lampamono' bokoi anjo bansa-bansaya, siagang lari battu ri dallekannu punna a'lampako mange ambunduki ke'nanga. Lanupisakai pa'rasanganna ke'nanga, sangkamma le'baka Napa'janjiang Karaeng Allata'alanu mae ri kau.

1 PATTOTTORANG 1:14

Kanaan, iatommi boe-boena tu Yebusi, Amori, Girgasi,