KALAPPASSANG 33:20 - KITTA' MATANGKASA'

²⁰ Tena nalaKupappicinikang rupangKu mae ri kau, lanri inai-nai anciniki rupangKu tena olona lakkulle tuli attallasa'.

KALAPPASSANG 33:20 Referans Kwoze

YOHANES 1:18

Tenanniakka le'ba' anciniki Allata'ala, pantaranganna Ana' sitau-tauNa Manggea, sangkammaya siagang Manggea, na majarreka ri KalenNa. Iami ampa'nyatai Manggea ri Katte.

PA'JARIANG 32:30

Le'baki anjo nakanamo Yakub, “Le'ba'ma' assibuntulu' rupa siagang Allata'ala kunampa attallasa' ija.” Lanri kammana naaremmi anjo tampaka Pniel.

1 TIMOTIUS 6:16

Iaji bawang takkullea nikoasai ri kamateanga; Iami ammantang lalang ri singara' tenaya nakkulle nireppesi ri manna pole inai. Tena manna sitau le'ba' anciniki, yareka akkulle anciniki. Untu' Iami kala'biranga siagang kakoasanga sa'genna satunggu-tungguna! Aming!

YESAYA 6:5

Nampa kukanamo, “Bala! Tenamo panrannuangku inakke, lanri ra'masa'na bawaku napakamma dosa, na kuammantang ri tangngana bansa kammaya todong cilakana. Mingka manna nakamma, mata kalengku anciniki Karaenga, iamintu Batara Kaminang Makoasaya!”

HAKING-HAKING 6:22

Naassemmi Gideon angkanaya anjo battua malaeka' KalenNa Batara. Jari malla'mi Gideon nanakanamo, “Cilakama' inakke, o Batara Kaminang Mala'birika! Nasaba' assidallekamma' siagang malaekatTa!”

HAKING-HAKING 13:22

Nakanamo Manoah ri bainenna, “Ma'nassa lamateki' nasaba' le'baki nicini' Allata'ala!”

PAOLE 5:24

Nakana ke'nanga, ‘Napappicinikammi kalompoanNa siagang kala'biranNa Karaeng Allata'alata ri wattunna nilangngere' a'bicara battu lalang ri pepeka. Anne alloa nacini'mi ikambe angkanaya nia' memang todong olona rupataua untu' tuli attallasa', manna pole nale'ba'mo a'bicara Allata'ala mae ri ia.

KALAPPASSANG 24:10

Na nacini'mo ke'nanga Allata'alana Israel ammenteng ri se'reang tampa', kammaya nicini' dapara' laccu', gauka tanja'na sanrapang langi' coraya.

IBRANI 1:13

Tena le'bakai Allata'ala akkana kamma anne mae ri se'reang malaeka', “Maeko ammempo ri sa'ri kanangKu, sa'genna Kusuro ngaseng akkulantu' sikontu musunnu ri dallekannu.”

KALAPPASSANG 33:18

Nampa napala'mi Musa angkana, “O Batara, Kipicinikianga' cayana kahaderanTa.”

KALAPPASSANG 33:23

Nampa laKubeso' limangKu sollanna akkulleA' nucini' battu ri boko, mingka rupangKu takkulleai lanucini'.”

KALAPPASSANG 3:6

INakke minne Allata'alana boe-boenu, Allata'alana Abraham, Ishak, siagang Yakub.” Jari natongko'mi rupanna Musa, lanri malla'na anciniki Allata'ala.

KALAPPASSANG 24:9

Nampa nai'mo Musa, Harun, Nadab, Abihu siagang anjo tujupuloa pamimping angngambi' ri monconga.