KALAPPASSANG 33:2 - KITTA' MATANGKASA'

² Nia' sitau malaeka' laKusuro battu anrurungang ngasengko. LaKubongkai bansa Kanaan, Amori, Het, Feris, Hewi siagang Yebus.

KALAPPASSANG 33:2 Referans Kwoze

YOSUA 24:11

Nampa a'limbangko ri Binanga Yordan, nubattu mange ri Yerikho. Nibundukiko ri tu Yerikho, kammayatompa ri tu Amori, ri tu Feris, ri tu Kanaan, ri tu Het, ri tu Girgasi, ri tu Hewi siagang ri tu Yebus. Mingka Kusareko pammetang mae ri yangasenna anjo ke'nanga.

KALAPPASSANG 32:34

Kamma-kamma anne a'lampamako, nampa nuerang anjo ke'nanga mange ri tampa' le'baka Kupau mae ri kau. MalaekakKu lanrurungangko, mingka nia' se're wattu sallang na narapi' wattunna laKuhukkung ke'nanga lanri dosa-dosana ke'nanga.”

KALAPPASSANG 23:20

“LaKusuroi malaekakKu a'jappa riolo ri dallekannu untu' anjagaiko lalang pa'jappannu siagang angngerangko mange ri tampa' le'baka Kupasadia.

PAOLE 7:22

Anjo bansa-bansaya laNabongka tassike'de'-ke'deki battu ri dallekannu. Takkulleai linta' dudu nuancuru' ke'nanga, sollanna tena napila' katambang olo'-olo' sekkeka akkullea ambahayakangko.

KALAPPASSANG 34:11

Mannurukiko ri hukkung-hukkung Kupassareanga mae ri kau anne alloa. LaKubongkai a'lampa bansa Amori, Kanaan, Het, Feris, Hewi siagang Yebus ri wattunnu maju mae ri ke'nanga.

KALAPPASSANG 3:17

Siagang le'ba'mi Kupattantu untu' angngerangi ke'nanga assulu' battu ri Mesir, tampa'na nijallakkang ke'nanga, siagang Kuantaraki ke'nanga mange ri se'reang pa'rasangang kalumanynyang siagang copponga buttana, iamintu pa'rasangang Kanaan, bansa Het, Amori, Feris, Hewi, siagang Yebus.

KALAPPASSANG 3:8

Lanri kammana anjo, erokKa' naung untu' allappassangi ke'nanga battu ri limanna tu Mesirka, nampa Kuerang ke'nanga assulu' battu ri anjo pa'rasanganga naKuerang mange ri pa'rasangang luaraka. Buttana coppongi siagang akkalumanynyangi. Kamma-kamma anne anjo pa'rasanganga napammantangi bansa Kanaan, bansa Het, Amori, Feris, Hewi siagang Yebus.

KALAPPASSANG 33:12

Ri se'reang allo nakana Musa mae ri Batara, “O, Batara, Kiparentakanga' anrurungangi anne bansaya mange ri pa'rasangang Kipa'janjianga. Mingka taKipauai angkana inai laKisuro untu' antulunga'. Kikana Kiassenga', Batara, siagang mangngellaiKi' ri nakke.

KALAPPASSANG 34:24

Punna le'ba'mo Kubongka sikamma bansa-bansaya battu ri dallekannu siagang Kupakaluara' daeranu, tena manna sitau barani langngallei pa'rasangannu ri wattunnu a'lampa untu' ampakalompoi Allo Lompo Passua'-suarrang Roti Tenaya Nammake Pa'gambang, Allo Lompo Pakkattoang, siagang Allo Lompo Pa'ballakang Leko'-leko' Kayua.

YOSUA 3:10

Punna majuko sinampe', mattantu laNabongkai Batara anjo tu Kanaan, tu Het, tu Hewi, tu Feris, tu Girgasi, tu Amori siagang tu Yebus. Siagang punna a'limbammo Patti ParjanjianNa Batarana sikontu linoa ri Binanga Yordan a'jappa ri dallekannu, lanuciniki angkanaya niaki Allata'ala mattallasaka ri tangnga-tangnganu.

ZAKHARIA 12:8

Anjo alloa iNakke lalla'langngi pandudu'na Yerusalem; siagang manna kaminang lammaya ri alla'na ke'nanga la'jari kammai gassinna Daud. Laniului ke'nanga ri jari-jarina Daud sanrapang niulu ri malaekakKu, ba'lalo sanrapang KalengKu angngului.

PA'JARIANG 15:21

Amori, Kanaan, Girgasi, siagang Yebus.”

PA'JARIANG 24:7

Batara, Allata'ala makoasaya ri langika, le'ba' angngeranga' assulu' battu ri balla'na manggeku siagang battu ri pa'rasanganna bija pammanakangku, siagang le'ba'mi assumpa ri nakke angkanaya laNapassareangi anne pa'rasanganga mae ri turungangku. Iatommi lassuroi battu malaeka'Na untu' antulungko, sollanna akkulle nupanggappang sitau baine anakku battu anjoreng.

HAKING-HAKING 6:9

Kupasalama'mako battu ri tu Mesirka siagang battu ri sikamma tuniaka anrinni ia ambundukiako, le'ba'mi Kubongka ke'nanga battu ri anne pa'rasanganga ri wattunna nubunduki ke'nanga, nampa Kupassareang pa'rasanganna ke'nanga mae ri kau.

1 PATTOTTORANG 1:14

Kanaan, iatommi boe-boena tu Yebusi, Amori, Girgasi,