KALAPPASSANG 33:14 - KITTA' MATANGKASA'

¹⁴ Nakanamo Batara, “LaKujagaiko sollanna akkulle nupatang butta le'baka Kupa'janjiang.”

KALAPPASSANG 33:14 Referans Kwoze

YOSUA 21:44

Jari situru' apa Napa'janjianga Batara mae ri boe-boena ke'nanga, a'jari amammi anjo pa'rasanganga lanri nila'langngi ri Batara. Manna se're tania' battu ri musu-musunna ke'nanga akkulle angngewai ke'nanga, lanri Batara assarei ke'nanga pammetang mae ri sikontu musunna ke'nanga.

YOSUA 1:5

Manna sitau tania' lakkulle ambetako, Yosua, lalang tallasa'nu. Nasaba' iNakke latuli anrurungangko ri sa'rinnu sangkamma riolo iNakke anrurungangi Musa ri sa'rinna. Tena nalaKubokoiko.

MATIUS 11:28

Battu ngaseng mako mae ri Nakke ikau tau posoa siagang tau battalaka erangnganna; laKupakabajiki pakkasia'nu.

YESAYA 63:9

Ia KalenNa nituju ri kasusaanna ke'nanga. Tena Nakkiring Batara tunisuro yareka tunisare koasa; Ia KalenNa allappassangi ke'nanga lanri pangngamaseanNa siagang pangngarimanginNa. Tuli Naparakai ke'nanga battu riolo.

PAMMUJI 95:11

Jari assumpaMa' lalang larroKu, angkana talantamakkai ke'nanga ri anjo pa'rasanganga untu' anggappa pammari-mariang siagang iNakke.”

YOSUA 22:4

Jari situru' janjinNa, le'ba'mi Nasare Karaeng Allata'alanu kasalewangngang anjo sikamma sari'battannu maraenga, parannu tu Israel. Jari, kamma-kamma anne ammotere' mako mange ri daera kalennu ri daera rayanganna Binanga Yordan, le'baka napassareang Musa mae ri kau pirangalloang.

MATIUS 28:20

Ajaraki ke'nanga anggaukangi sikontu le'baka Kupassuroang ri kau ngaseng. Na u'rangimi angkanaya laniakKa' anrurungangko sa'genna kala'busang jammanga.”

YEREMIA 6:16

Nakana Batara ri umma'Na, “Ammentengko ri sikamma panyingkulu'na aganga, siagang parhatikangi baji'-baji'! Pakkuta'nangngangi sikamma agang-agang riolo-rioloa, siagang kereanga kaminang baji' anjo aganga. Pinawammi anjo aganga, sollanna sannang katallassannu.” Mingka angkanai ke'nanga, “Tena, tena naero' ikambe ampinawangi anjo aganga!”

KALAPPASSANG 13:21

Punna allo niaki Batara a'jappa ri dallekanna ke'nanga lalang ri benteng rammanga; na punna bangngi a'jappai ri dallekanna ke'nanga lalang ri benteng pepeka untu' ampicinikiangi ke'nanga oloang. Lanri kammana anjo akkullei ke'nanga a'jappa allo bangngi.

YOSUA 23:1

Salloi ri le'ba'na anjo Nasaremi Batara anjo umma' Israel kaamangngang; tenamo nanisusai ke'nanga ri pa'garatta'na musua. Anjo wattua toa sikalimi Yosua.

PAOLE 3:20

Bantui julu bansanu sa'genna napammantangngi ke'nanga butta laNapassareanga Karaeng Allata'alanu mae ri ke'nanga ri laukanna Binanga Yordan; kammayatompa sa'genna nisare pangngellai ke'nanga attallasa' siagang amang anjoreng, sangkamma Nagaukanga Batara anrinni mae ri kau. Le'bappi anjo kammaya nampako akkulle ammotere' mae ri butta le'baka kupassareang mae ri kau.

KALAPPASSANG 3:12

Appialimi Allata'ala angkana, “INakke lantulungko. Napunna nuerammo assulu' anjo bansaya battu ri Mesir, lanugaukang ngasemmi ibadaya mae ri Nakke ri anne monconga. Iaminjo a'jari butti angkana iNakke assuroko.”

PAOLE 4:37

Lanri Nakamaseangi boe-boenu, na Napile mako; lanri koasa malompoNa na Naerang mako assulu' battu ri Mesir.

PAOLE 12:10

Punna le'ba' mako a'limbang ri Binanga Yordan, laNatulungko Karaeng Allata'alanu untu' ampantamakki siagang ampammantangngi anjo butta niaka ri ba'leanna anjo binangaya. LaNajagaiko battu ri sikontu musua, siagang laamangko siagang salewangangko lalang tallasa'nu.

PAOLE 25:19

Lanri kammana anjo, punna Napassareammo Karaeng Allata'alanu anjo pa'rasanganga mae ri kau, siagang amang mako battu ri sikamma musunnu niaka ri tammulilinu, anjo sikontu tu Amalek musti nubuno ngasengi sa'genna nikaluppaimo ke'nanga. Teako kaluppai!”

PAOLE 31:8

KalenNa Batara angnguluko siagang antulungko. Tena nalaNapassalasako siagang tena nalaNabokoiko. Lanri kammana anjo, teako mallakki siagang teako lussakki.”

YEREMIA 31:2

Ri parang lompoa Kupappicinikang pangngamaseangKu mae ri ke'nanga, ta'lappasaka battu ri kamateanga. Ri wattunna a'boya umma' Israel kasannangngang,

AYUB 34:29

Punna tappu' a'merekiji bawang Allata'ala, manna sitau tabarani ancallai. Punna Nacokko rupanNa, manna sitau takkulle ambuntuluki.

DANIEL 12:13

Ikau Daniel, majarre' laloko sa'genna allo kala'busanga. Lamateko, mingka lambangung poleangko untu' antarimai pahalanu ri kala'busang jammanga.”