KALAPPASSANG 32:8 - KITTA' MATANGKASA'

⁸ Ammengkami ke'nanga battu ri parenta-parentaKu. Appareki ke'nanga patung sapi bulaeng, nampa nasomba siagang nasare passare koro'bang. Nakana ke'nanga, iaminjo rewata angngerangai ke'nanga assulu' battu ri Mesir.

KALAPPASSANG 32:8 Referans Kwoze

1 KARAENG-KARAENG 12:28

Le'ba'na napikki'-pikkiri' anjo passalaka, appare'mi rua patung sapi bulaeng, nampa nakana mae ri ra'yaka, “Bansa Israel! Sallo mako tuli a'lampa mange ri Yerusalem untu' assambayang. Kamma-kamma anne, iaminne rewata-rewatanu, ia le'baka angngantarakko assulu' battu ri Mesir.”

KALAPPASSANG 20:23

Teako papparekangngi untu' kalennu patung-patung pera' yareka bulaeng untu' nupakalompo pantaranganna iNakke.

PAOLE 9:16

Kurapikang mako sitabang andakkai parentaNa Karaeng Allata'alanu. Doraka mako mae ri Batara lanri nupapparekanna kalennu se're patung sapi.

HAKING-HAKING 2:17

Mingka tena najampangi ke'nanga anjo pamimpinga. Anynyombai ke'nanga mae ri rewata-rewata maraenganga, siagang tena namajarre' ke'nanga mae ri Batara. Tena naturuki boe-boena ke'nanga, ia mannurukia ri sikamma parentaNa Batara.

KALAPPASSANG 22:20

Inai-nai assare koro'bang mae ri rewata-rewata maraenga pantaranganna mae ri Nakke, Batara, musti nihukkung matei.

KALAPPASSANG 32:4

Naallemi Harun anjo sikamma anting-antinga, nampa napasolong nampa napatiri' antama' ri katarang nappare' se're patung sapi. Nakanamo anjo bansaya, “He, Israel iaminne rewatanta, ia angngantarakki' assulu' battu ri Mesir!”

KALAPPASSANG 34:15

Teako appareki parjanjiang siagang bansa niaka anjoreng, nasaba' ri wattunna anynyomba siagang assare koro'bang ke'nanga mae ri rewata-rewatana ke'nanga lanakio' tongko, siagang lanupinawangi ke'nanga.

KAIMANGNGANG 17:7

Bansa Israel musti tamamminrayai mae ri Batara, siagang tena sikali-kali nakkulle anynyamballe ke'nanga olo'-olo' ri koko-kokoa untu' passare mae ri sikamma jing ja'dalaka. Anjo paratoranga musti nituruki sa'genna satunggu-tungguna.

PAOLE 9:12

Nampa Nakana Batara mae ri nakke, ‘Naungko linta', nasaba' anjo bansanu nueranga assulu' battu ri butta Mesir a'gau' ja'dala'mi. Ammengkami ke'nanga battu ri parenta-parentaKu, siagang appare'mi patung untu' nasomba.’

PAOLE 32:17

Assarei ke'nanga koro'bang mae ri roh-roh ja'dalaka teai mae ri Allata'ala, mae ri rewata-rewata takontutojeng, taniassenga siagang tanipakala'biri'ka ri boe-boena riolo.

PAMMUJI 78:36

Mingka naballe-ballei ke'nanga Allata'ala, bicaranna ke'nanga sangnging balle-balle bawang.

YOSUA 22:15

Nabattumo ke'nanga mange ri tampa'na suku Ruben, suku Gad siagang suku Manasye rayaya ri daera Gilead.

HAKING-HAKING 8:24

Mingka nakanamo pole Gideon, “Se'reji bawang papalakku; sikontu anjo anting-anting nurampasaka battu ri musua, sareang ngasenga'.” (Biasana tu Midian ammakei anting-anting bulaeng; sangkamma todong tuniaka ammantang ri parang kassika.)

NEHEMIA 9:18

Appareki ke'nanga barhala sangkamma sapi. Nampa nakana ke'nanga, ‘Iaminne allata'alanu, angngerangko battu ri Mesir, ri tampa'nu nipare' ata.’ O, Allata'ala, iKatte kalenTa nahina ke'nanga!

PAMMUJI 106:19

Ri Moncong Sinai appareki ke'nanga patung ana' sapi bulaeng, nampa nasomba anjo patung napareka ke'nanga.

YESAYA 46:6

Nasungkei taua tasna nampa natumpa bulaenna, nampa natimbang pera'na siagang batu dacing. Nagaji tukang bulaenga untu' appare' patung barhala, nampa nasomba anjo patung bate pare'na.

YEREMIA 31:32

Mingka anjo parjanjianga tena nasangkamma parjanjiang Kupareka siagang boe-boena ke'nanga ri wattunna Kururungang assulu' ke'nanga battu ri Mesir. Manna pole Kurapang bura'nenna ke'nanga, mingka nadakkai ke'nanga parjanjiangKu siagang ke'nanga.