KALAPPASSANG 32:6 - KITTA' MATANGKASA'

⁶ Ammukona bari'basa' dudu, angngerammi tu Israel pirangkayu are olo'-olo' untu' a'jari koro'bang nitunu, na pirangkayu are pole untu' koro'bang passiamakkang. Ammempomi ke'nanga angnganre siagang angnginung, nampa ammenteng untu' assannang-sannang.

KALAPPASSANG 32:6 Referans Kwoze

1 KORINTUS 10:7

Kammayatompa sollanna tena ninynyomba todong barhala sangkamma nagaukanga ke'nanga. Nia' tattulisi' lalang ri Kittaka angkanaya, “Appakkaramulami anjo bansaya angnganre angnginung, kammayatompa a'dansa-dansa untu' anynyomba ri barhalaya.”

PAMMILANGNGANG 25:2

Nikio'mi ke'nanga ri anjo tubai'-bainea mange ri passua'-suarrang koro'banga untu' ampakalompoi rewatana ke'nanga. Amminawang tommi tu Israel angkanrei anjo koro'banga siagang anynyomba ri rewatana tu Moab.

PAPPICINI' 11:10

Lamarannui tuma'buttaya ri lino lanri matena anjo ruaya sa'bi. Lassua'-suaraki ke'nanga siagang massing lasikiringi ke'nanga hadia, lanri iaminjo ruaya na'bi le'ba' angngerang passessa mae ri sikontu rupataua ri lino.

AMOS 8:10

Sikamma passua'-suarrannu laKupinrai a'jari kasusaang, siagang kelong-kelonnu a'jari karru'. LaKupa'jariko ikau ancukkuruki kalennu siagang ammakeko kaeng karung tanra si'na. Rapangko anrong mangge angkarruki kamateanna ana' sitau-tauna. Anjo alloa lakala'busangi a'jari allo sanna' appakasi'nana pa'mai'.”

AMOS 2:8

Ri sikamma tampa' ibadaya, attinroi siagang baju napappita'gallanga na naalle tulusu' battu ri tu kasi-asia. Ri Balla'Na Allata'alana ke'nanga, angnginung anggoro' naallea battu ri tau niaka inranna mae ri ke'nanga.

KALAPPASSANG 32:5

Nampa appaenteng Harun se're tampa' pakkoro'bangngang ri dallekanna anjo sapi bulaenga nampa napa'la'bang napau angkana, “Ammuko nia' passua'-suarrang untu' ampakalompoi Batara.”