KALAPPASSANG 32:31 - KITTA' MATANGKASA'

³¹ Nampa a'lampa poleammo Musa andallekang ri Batara, na nakana, “Anjo bansaya le'ba'mi a'gau' dosa lompo. Appareki ke'nanga rewata battu ri bulaeng.

KALAPPASSANG 32:31 Referans Kwoze

KALAPPASSANG 20:23

Teako papparekangngi untu' kalennu patung-patung pera' yareka bulaeng untu' nupakalompo pantaranganna iNakke.

DANIEL 9:11

Sikontu tu Israel nadakkaimi hukkung-hukkunTa siagang taerokami ampilangngeri kananTa. Dorakami ikambe mae ri Katte. Lanri kammanami anjo naKipabattu mae ri kambe pangngalarroinTa, ia niaka tattulisi' lalang ri kitta'na Musa, atanTa.

DANIEL 9:8

Sikamma karaenna ikambe, pamimpinna ikambe siagang boe-boena ikambe, nagaukammi apa-apa appakasirika siagang dorakami mae ri Katte, o Batara.

KALAPPASSANG 32:30

Ammukona nakanamo Musa ri anjo bansaya, “Ikau doraka lompo ngaseng mako. Mingka kamma-kamma anne eroka' nai' poleang ri monconga untu' andallekang ri Batara; dasi-dasi na Napammopporanga' siagang Napammopporangi dosa-dosanu.”

DANIEL 9:5

Dorakami ikambe, a'gau' ja'dala'mi ikambe, siagang nagaukammi ikambe kasalanga. Pabali-balimi ikambe siagang nadakkai ikambe parentaTa, kammayatompa ammengkai ikambe battu ri paratorang-paratoranTa.

NEHEMIA 9:33

Adeleki tindakanTa, Kihukkungi anne ikambe dorakaya; tuli majarrekKi', manna jai callanna ikambe.

EZRA 9:15

O, Batara, Allata'alana Israel. IKatte adelekki', mingka Kilappassang iji attallasa' ikambe. Namangakuimi kasalanna ikambe mae ri Katte, tasiratangami ikambe untu' andallekang ri dallekang mala'biritTa.”

KALAPPASSANG 34:28

Patampulo allo patampulo bangngi ammantang Musa anjoreng siagang Batara; na lalanna anjo wattua tena nangnganre siagang tena nangnginung. Anjo kana-kana parjanjianga, iamintu Sampulo ParentaNa Allata'ala, nitulisiki ri anjo batua.

KALAPPASSANG 20:4

Teako papparekkangi kalennu patung sanrapanga apa-apa niaka ri langi', ri butta, yareka lalang ri je'ne' irawanganna buttaya.

NEHEMIA 9:18

Appareki ke'nanga barhala sangkamma sapi. Nampa nakana ke'nanga, ‘Iaminne allata'alanu, angngerangko battu ri Mesir, ri tampa'nu nipare' ata.’ O, Allata'ala, iKatte kalenTa nahina ke'nanga!