KALAPPASSANG 32:3 - KITTA' MATANGKASA'

³ Jari massing nala'gasa' ngasemmi anting-anting bulaenna ke'nanga nampa naerang mae ri Harun.

KALAPPASSANG 32:3 Referans Kwoze

YEREMIA 10:9

Nilapisiki siagang bulaeng na pera' nieranga battu ri Spanyol siagang kota Ufas, yangasenna bate pare'na tucara'deka siagang panre bulaenga. Pakeanna battu ri kaeng lame butung toa siagang lame butung lolo cura'na, bate jamana tau cara'deka attannung baji'.

YESAYA 46:6

Nasungkei taua tasna nampa natumpa bulaenna, nampa natimbang pera'na siagang batu dacing. Nagaji tukang bulaenga untu' appare' patung barhala, nampa nasomba anjo patung bate pare'na.

PA'JARIANG 24:22

Le'baki angnginung ngaseng anjo untaya sa'genna bassoro', angngallemi anting-anting bulaeng tinggia anggaranna anjo surona Abraham, nampa napataba ri ka'murunna anjo tuloloa. Nampa napatabai limanna sipasang ponto bulaeng.

PA'JARIANG 35:4

Nampa napassareammo ke'nanga sikamma patung niaka ri ke'nanga mae ri Yakub, iamintu patung rewata tumaraenga. Kammayatompa anting-antinna ke'nanga napassareang ngaseng tommi. Yangasenna anjo barang-barang kammaya nalamungammi Yakub ri rawanganna poko' kayu lompoa ri ampi'na kota Sikhem.

KALAPPASSANG 32:2

Nakanamo Harun ri ke'nanga, “La'gasa' ngasengi sikamma anting-anting bulaeng niaka napake sikamma tubai'-bainenu siagang ana'-ana'nu nampa nuerang mae ri nakke.”

KALAPPASSANG 32:4

Naallemi Harun anjo sikamma anting-antinga, nampa napasolong nampa napatiri' antama' ri katarang nappare' se're patung sapi. Nakanamo anjo bansaya, “He, Israel iaminne rewatanta, ia angngantarakki' assulu' battu ri Mesir!”

YESAYA 3:19

ponto lima, pattongko' rupa,