KALAPPASSANG 32:27 - KITTA' MATANGKASA'

²⁷ na nakanamo Musa ri ke'nanga, “Karaeng Allata'alana Israel amparentakangi mae ri kau ngaseng untu' ambi'buki pa'dannu nampa a'jappa allalo ri anne pakkemaanga, appakkaramula battu ri anne pakke'bu' lompoa sa'genna mange ri pakke'bu' lompo maraengannaya, nampa nubuno sikamma sari'battannu, sikamma sahaba'nu siagang sikamma siampi' balla'nu.”

KALAPPASSANG 32:27 Referans Kwoze

PAMMILANGNGANG 25:5

Nampa nakana Musa mae ri sikamma haking-hakinna tu Israel, “Ikau ngaseng, musti massing nubunoi sikamma tau le'baka anynyomba Baal ri Peor, lalang ri massing sukunu.”

LUKAS 14:26

“Punna nia' tau battu mae ri Nakke, mingka la'bi nakamaseangi amma'na, manggena, bainenna, ana'-ana'na, sari'battanna ngaseng, yareka batangkalenna ba'lalo, takkulleai a'jari ana' gurungKu.

2 KORINTUS 5:16

Lanri kammanami anjo, nataerokamo ikambe ambakuki se'rea tau situru' pa'baku'na rupataua. Memang, le'baki ikambe ambakuki Almasi situru' pa'baku'na rupataua, mingka kamma-kamma anne tenamo.

KALAPPASSANG 32:29

Nakana Musa mae ri suku Lewi, “Anne alloa nusa'la'mi kalennu untu' a'jari imang allayaniai Batara lanri nubunomi ana'-anaka siagang sikamma sari'battannu; jari Nasare mako barakka'Na Batara.”

KALAPPASSANG 32:26

Jari ammentemmi ri dallekanna pakke'bu' lompona kemaya nampa a'gora angkana, “Inai-nai agang mae ri Batara musti battui mae anrinni!” Jari battumi suku Lewi angkulilingi Musa;

KALAPPASSANG 32:28

Nagaukammi suku Lewi anjo parentaya; anjo alloa nia' kira-kira tallussa'bu tau mate nibuno.

PAOLE 13:6

Punna nia' sari'battannu, yareka ana' bura'nenu yareka ana' bainenu yareka bainennu nukamaseanga, yareka agang baji'nu anynyonyo' cokko-cokkoko untu' anynyomba mae ri rewata-rewata maraeng tenaya nuassengi siagang tenaya naassengi boe-boenu, rewata-rewata battua ri bansa-bansa ambania siagang bellaya ammantang,

2 KARAENG-KARAENG 10:25

Silalonna le'ba'na Yehu assare koro'bang, assulu'mi nampa nakana mae ri sikamma pangawalaka siagang perwiraya, “Antama'mako nampa nubuno kabusu' ke'nanga. Teako lappassangi manna sitau ta'lappasa'!” Jari antama'mi ke'nanga siagang pa'dang ta'bi'bu', nampa nabuno kabusu' sikamma tau niaka anjoreng, nampa nare'resang maya'na ke'nanga assulu'. Nampa antama' ke'nanga ri bageang lalanna balla' panynyombanga,

YEHEZKIEL 9:5

Kulangngereki Allata'ala angkana mae ri tau maraengannaya, “Amminawangko ri ia mange ri sikontu kotaya siagang bunoi tunggala' taua, teako pammopporangngi.