KALAPPASSANG 32:20 - KITTA' MATANGKASA'

²⁰ Nampa naalle anjo patung sapi bate pare'na anjo tu Israelka, na napasolong, nadengka sa'genna alusu' sangkamma limbu'bu', nampa nacampuru' siagang je'ne'. Nampa nasuro tu Israelka angnginungi.

KALAPPASSANG 32:20 Referans Kwoze

PAOLE 9:21

Anjo patung sapi nupareka, kupasambilai antama' ri pepeka. Nampa kuancuru' siagang kudengka sa'genna alusu' sangkamma limbu'bu, nampa kupasambila anjo limbu'buka antama' ri kaloro' a'lo'loroka battu ri anjo monconga.

PANGNGEBARANG 14:14

Tau ja'dalaka lanakattoi wassele' kaja'dallanna, tau bajika lanakattoi rappo kabajikanna.

PANGNGEBARANG 1:31

Lanri kammana, lanukasia' ngasengi sallang kale'bakkanna sikamma panggaukang-panggaukannu siagang rancana-rancana kodinu.

2 KARAENG-KARAENG 23:15

Napanraki tongi tampa' panynyombanga ri Betel nabangunga Karaeng Yerobeam ana'na Nebat, karaeng angngerangai tu Israel mae ri gau' dosaya. Nampa nareppe' Yosia tampa' pakkoro'bangngang niaka ri anjo tampa' panynyombanga, siagang natunu siagang patunna Dewi Asyera niaka anjoreng.

2 KARAENG-KARAENG 23:6

Patunna Dewi Asyera napasuluki battu ri Balla'Na Batara, nampa naerang assulu' ri pantaranna kotaya, mange ri Ka'bung Lappara' Kidron. Anjoreng nitunumi anjo patunga, nampa nidengka sa'genna alusu' cumi'na, siagang nipakioro' auna irate ri pa'jerakkang tujaia.

PAOLE 7:25

Tunui sikamma patung-patung barhala nasombaya ke'nanga. Teako cinnai ri pera' yareka bulaeng niaka ri kalenna siagang teako allei untu' kalennu. Punna nudakkai anjo parentaya tena tamatenu, nasaba' Nakabirisi Karaeng Allata'alanu anynyombaya ri patung barhalaya.

PAOLE 7:5

Lanri kammana anjo, rumbangi tampa'-tampa' pakkoro'bangnganna anjo bansa-bansaya, ancuru' ngasengi benteng-benteng batu nakanaya ke'nanga karamaki, ra'bai gamba'-gambara'na barhala Asyera, siagang tunui sikamma patung-patung barhala nasombaya ke'nanga.

KALAPPASSANG 32:21

Nakanamo ri Harun, “Apa nagaukang ke'nanga mae ri kau sa'genna nulappassang ke'nanga doraka lompo?”

1 KARAENG-KARAENG 15:13

Toana, Maakha, napammari battu ri kadudukanna salaku amma' karaeng, lanri le'ba'na appare' patung barhala salaya untu' Asyera, iamintu rewata baine untu' kacoppongang lamung-lamung. Narumbangi Asa anjo barhalaya nampa natunu ri Lappara' Kidron.

2 PATTOTTORANG 34:4

Anjo patung-patunga siagang barhala-barhalaya niancuruki sa'genna lica' ri ana' buana Karaeng Yosia, nampa napakioro' limbu'bu'na irate ri jera'na tau assarea koro'bang mae ri anjo barhala-barhalaya. Tampa'-tampa' pakkoro'bangnganna Baal siagang tampa'-tampa' pakkoro'bangngang dupa niaka anjoreng narumbang kabusuki ke'nanga.