KALAPPASSANG 30:9 - KITTA' MATANGKASA'

⁹ Teako assarei dupa nipappisangkanga irate ri anjo tampa' pattunuang dupaya, kammayatompa koro'bang olo'-olo' yareka apa-apa nipatala ia nipappisangkanga; tea tongko appatiriki je'ne' anggoro' irateanna.

KALAPPASSANG 30:9 Referans Kwoze

KAIMANGNGANG 10:1

Ri se'reang allo, Nadab siagang Abihu, iamintu ana'na Harun, angngallei massing tampa' pepe'na nampa nabonei bara. Nampa nabonei ke'nanga dupa anjo pepeka siagang napassareang mae ri Batara. Mingka tena nahallala' anjo pepeka lanri tena nisuroi ke'nanga ri Batara ampassareangi anjo kammaya.

KALAPPASSANG 30:8

Anjo kammaya musti nagaukang tongi ri wattu naparinrana lampua ri wattu karuenga. Anjo passare dupaya musti nigaukangi situlusu'na sa'genna satunggu-tungguna.

KALAPPASSANG 30:10

Tassikali sitaung Harun musti nagaukangi upacara annangkasi tampa' pattunuang dupa; carana iamintu napiracciki anjo appaka tanru'na siagang cera'na anjo olo'-olo' nikoro'bangkanga untu' nipammopporanna dosaya. Anjo kammaya musti nigaukangi tunggala' taung sa'genna satunggu-tungguna. Anjo tampa' pattunuang dupaya musti tangkasa' kabusuki siagang nisa'laki untu' iNakke.”